విశ్వనటుడుతో పూజా కుమార్ డేటింగ్??!

విశ్వనటుడు కమల్ హాసన్. ఈయన తాజా చిత్రం ఇండియన్-2. కొన్ని అవాంతరాల కారణంగా ఈ చిత్రం షూటింగ్ ఆగిపోయింది. అయితే, ప్రస్తుతం ఈయన మొదటి భార్యకు విడాకులు ఇచ్చారు. ఆతర్వాత గౌతమితో సహజీవనం చేశారు. ఇపుడు నటి పూజా కుమార్‌తో లివింగ్ రిలేషన్‌లో ఉన్నట్టు వార్తలు వస్తున్నాయి. కమల్ హాసన్‌తో కలిసి పూజా కుమార్ విశ్వరూపం మొదటి భాగం, రెండో భాగం చిత్రాలతో పాటు.. ఉత్తమ విలన్ చిత్రాల్లో నటించింది. దీంతో వారి మధ్య మంచి స్నేహం ఏర్పడి, అది లివింగి రిలేషన్‌షిప్‌కు దారితీసినట్టు వార్తలు గుప్పుమన్నాయి. 

వీటిపై పూజా కుమార్ స్పందించారు. 'చాలా కాలం నుంచి కమల్‌ హాసన్‌​, ఆయన కుటుంబ సభ్యులు నాకు బాగా తెలుసు. కమల్‌తో కలిసి సినిమాలు చేయడం ప్రారంభించినప్పటి నుంచి ఆయన కుటుంబం, వాళ్ల పిల్లలు శ్రుతి, అక్షర హాసన్‌లు అందరూ పరిచయం. అందుకే వారితో సాన్నిహిత్యంగా ఉంటాను' అని చెప్పుకొచ్చింది. 

అంతేకానీ, కమల్ హాసన్‌తో తాను లివింగ్ రిలేషన్‌లో, డేటింగ్‌లో ఉన్నట్టు వస్తున్న వార్తల్లో ఏమాత్రం నిజం లేదని చెప్పారు. ఇకపోతే, పూజా కుమార్ అమెరికాలోని మిస్సోరిలోని సెయింట్ లూయిస్‌లో జన్మించారు. ఆమె తల్లిదండ్రులు అమెరికాలో స్థిరపడ్డ ఎన్నారైలు. ఈమె పలు హాలీవుడ్ చిత్రాల్లో కూడా నటించారు.