గోల్డెన్ ఛాన్స్‌ను వదులుకున్న మంచు లక్ష్మీ.. బాహుబలి శివగామి పాత్రను వద్దని చెప్పిందట!

టాలీవుడ్ టాప్ డైరెక్టర్ రాజమౌళి భారీ బడ్జెట్‌తో తెరకెక్కిస్తున్న 'బాహుబలి -2' ప్రస్తుతం నిర్మాణ దశలో ఉంది. గత కొంత కాలంగా ఈ సినిమాలో ముఖ్య సన్నివేశాలను రామోజీ ఫిలింసిటీలో తెరకెక్కిస్తున్నారు. ఈ చిత్రం

టాలీవుడ్ టాప్ డైరెక్టర్ రాజమౌళి భారీ బడ్జెట్‌తో తెరకెక్కిస్తున్న 'బాహుబలి -2' ప్రస్తుతం నిర్మాణ దశలో ఉంది. గత కొంత కాలంగా ఈ సినిమాలో ముఖ్య సన్నివేశాలను రామోజీ ఫిలింసిటీలో తెరకెక్కిస్తున్నారు. ఈ చిత్రం యొక్క కొత్త షెడ్యూల్ త్వరలోనే కేరళలో మొదలుకానుంది. ఈ సినిమా కోసం అభిమానులు ఎప్పటినుండో ఎదురుచూస్తున్నారు. అటువంటి సినిమాలో నటించే ఛాన్స్ వస్తే ఎవరు మాత్రం వదులుకుంటారు చెప్పండి... అలాంటిది... బాహుబలి సినిమాలో నటించే ఛాన్స్.. అందులో మెయిన్ రోల్, సినిమా మొత్తం ఆమె చుట్టూనే తిరిగితే.. ఎవ్వరైనా కాదంటారా.. కానీ లక్ష్మీ మంచు కాదన్నదంట. 

వినడానికే ఆశ్చర్యంగా ఉన్న ఇది నిజం. రాజమౌళి.. బాహుబలిలో రమ్యకృష్ణ పోషించిన శివగామి రోల్ చేయమని జక్కన్న తన దగ్గరికి వచ్చారంట. అప్పటికే రాజమౌళి సుస్మితా సేన్, శ్రీదేవి లాంటి వారిని కూడా అడిగారు. ఆ క్రమంలో లక్ష్మీ మంచుని కూడా కూడా అడిగారంట. అయితే తాను శివగామి పాత్ర చేయలేనని తేల్చి చెప్పిందంట. శివగామి కాకుండా మరో క్యారెక్టర్ అయితే ఓకే అని చెప్పిందంట. 

శివగామి క్యారెక్టర్ వదులుకోవడానికి ప్రధాన కారణం... ప్రభాస్ ,రానా లాంటి వాళ్లకు తల్లిగా నటించటం అంత ఈజీ కాదని, వాళ్లకి తల్లిలా నేను సూట్ కానని అందుకే ఒప్పుకోలేదని లక్ష్మీ మంచు అన్నట్టుగా టాలీవుడ్ వర్గాలు అంటున్నాయి.