ఎన్టీఆర్‌కి నో చెప్పి కుర్ర హీరోతో సై అన్న టాలీవుడ్ హీరోయిన్
టాలీవుడ్ యంగ్ టైగర్ ఎన్టీ ఆర్ సరసన నటించే అవకాశం వస్తే ఏ హీరోయిన్ మాత్రం వదులుకుంటుంది చెప్పండి. ఈ హీరోతో సినిమా అంటే ఏ హీరోయిన్ అయినా ఎగిరిగంతేస్తుంది. కానీ యంగ్ టైగర్ సినిమాలో నటించడానికి ఒక హీరోయిన
టాలీవుడ్ యంగ్ టైగర్ ఎన్టీఆర్ సరసన నటించే అవకాశం వస్తే ఏ హీరోయిన్ మాత్రం వదులుకుంటుంది చెప్పండి. ఈ హీరోతో సినిమా అంటే ఏ హీరోయిన్ అయినా ఎగిరిగంతేస్తుంది. కానీ యంగ్ టైగర్ సినిమాలో నటించడానికి ఒక హీరోయిన్ తిరస్కరించిందట. ఆమె ఎవరో కాదు కమల్ హాసన్ ముద్దుల కూతురు శృతిహాసన్. టాలీవుడ్‌లో ఎన్.టి.ఆర్‌కి ఉన్న క్రేజ్ ఏంటో అందరికి తెలిసిందే.
అయితే అలాంటి స్టార్ హీరో పక్కన ఛాన్స్ వస్తే కాదని ఓ కుర్ర హీరో సినిమాకు స్పెషల్ సాంగ్‌లో ఆడిపాడేందుకు సిద్ధమైంది హాట్ బ్యూటీ శృతి హాసన్. యంగ్ టైగర్, కొరటాల శివ కాంబినేషన్లో రాబోతున్న జనతా గ్యారేజ్‌లో ఐటం సాంగ్ కోసం ముందు శృతి హాసన్‌ని దర్శకనిర్మాతలు సంప్రదించారట. కాని కొన్ని కారణాలతో శృతి హాసన్ ఆ ఐటం సాంగ్‌ని సున్నితంగా తిరస్కరించిందట.
అయితే ఎన్.టి.ఆర్ స్పెషల్ సాంగ్ అంటే డేట్స్ లేవు అంటూ తప్పించుకున్న శృతి హాసన్ ఇప్పుడు కర్ణాటక మాజీ ముఖ్యమంత్రి కుమారస్వామి తనయుడు నిఖిల్ గౌడ హీరోగా చేస్తున్న 'జాగ్వార్' సినిమాలో స్పెషల్ సాంగ్‌కు సై అంటోంది. రూ.70 కోట్ల భారీ బడ్జెట్ సినిమాకు స్పెషల్ ఎట్రాక్షన్‌గా ఉండేందుకు దాదాపు రూ.2 కోట్ల రెమ్యునరేషన్ ఇచ్చి మరి శృతి హాసన్‌తో దర్శకనిర్మాతలు ఐటం సాంగ్ ప్లాన్ చేశారట. శృతి కాదన్న తర్వాత చాలామందిని చూసి చివరకు కాజల్‌తో ఎన్టీ ఆర్ అడ్జస్ట్ అయ్యాడు. అదండీ సంగతి.