పవర్ స్టార్ పవన్ కళ్యాణ్ మళ్లీ ముఖానికి రంగేసుకున్నారు. బాలీవుడ్ చిత్రం పింక్ చిత్రాన్ని తెలుగులోకి వకీలా సాబ్ పేరుతో రీమేక్ చేస్తున్నారు. ఈ చిత్రానికి వేణు శ్రీరామ్ దర్శకత్వం వహిస్తున్నారు. ఈ చిత్రం తర్వాత హరీష్ శంకర్, క్రిష్ జాగర్లమూడి దర్శకత్వంలో తెరకెక్కే చిత్రాల్లో కూడా నటించనున్నారు. ఇందులో డైరెక్టర్ క్రిష్ రూపొందించనున్న సినిమాను ఇప్పటికే ప్రారంభించారు.
ఈ సినిమాలో పవన్ కళ్యాణ్ సరసన సరసన బాలీవుడ్ హీరోయిన్‌ను ఎంపిక చేయాలని క్రిష్ - పవన్ నిర్ణయించారు. ఆ భామ పేరు జాక్వెలిన్ ఫెర్నాండెజ్. ఈమె సాహో చిత్రంలో ఒక పాటలో తళుక్కున మెరిసిన విషయం తెల్సిందే.
మరోవైపు దిశా పఠాణి, వాణీ కపూర్ పేర్లను కూడా పరిశీలిస్తున్నట్టు హైదరాబాద్ ఫిల్మ్ వర్గాల సమాచారం. అయితే, ఈ చిత్ర హీరోయిన్‌పై త్వరలోనే ఓ అధికారిక ప్రకటన వెలువడే అవకాశాలు ఉన్నాయి. పీరియాడిక్ డ్రామాగా తెరకెక్కుతున్న ఈ సినిమా వచ్చే ఏడాది ప్రేక్షకుల ముందుకు రాబోతోంది.