నందమూరి వారసులుగా ఇప్పటికే చాలామందే ఉన్నారు. జూనియర్ ఎన్టీఆర్, తారకరత్న, కళ్యాణ్ రామ్. అయితే ఇందులో బాగా హిట్టయ్యింది జూనియర్ ఎన్టీఆర్ ఒక్కరే. కోట్లాదిమంది అభిమానులున్న జూనియర్ ఎన్టీఆర్ ప్రస్తుతం ఆర్ఆర్ఆర్ సినిమాతో బిజీగా వున్నారు.
ఇక నందమూరి కుటుంబంలో నందమూరి నటసింహం అని పిలిచే బాలక్రిష్ణ.. బాలయ్య బాబు ముఖ్యం. బాలయ్య సినిమా రంగంలో అగ్రహీరోల్లో ఒకరు. ఇక బాలయ్య తరువాత ఆ కుటుంబం నుంచి ఆయన కుమారుడు మోక్షజ్ఙ సినీరంగంలోకి ప్రవేశం చేస్తారని అందరూ అనుకున్నారు. అయితే మోక్షజ్ఙకు సినిమాల్లో నటించడం ఏమాత్రం ఇష్టం లేదట. అందుకే తనకు ఇష్టమొచ్చినట్లు ఉంటున్నాడట. బాగా లావుగా మోక్షజ్ఙ ఉన్నాడట.
బాలక్రిష్ణ కొడుకును సినిమాల్లోకి తీసుకురావాలని ప్రయత్నిస్తుంటే కొడుకు వద్దనడం.. కొడుకు మాటలకు తల్లి కూడా వంత పాడటంతో ఇక అతను సినిమాల్లోకి వచ్చే అవకాశం కనబడటం లేదంటున్నారు. దీంతో నందమూరి కుటుంబంలో బాలక్రిష్ణ తరువాత నందమూరి వంశం పేరును నిలబెట్టేది జూనియర్ ఎన్టీఆర్ మాత్రమేనంటూ అభిమానులు చెప్పుకుంటున్నారట.