డాకు మహారాజ్ ప్రీ రిలీజ్ ఈవెంట్ లో ముఖ్యఅతిథి ఎవరో తెలుసా?

Daku Maharaj

నందమూరి బాలక్రిష్ణ, దర్శకుడు బాబీ కాంబినేషన్ లో రాబోతున్న సినిమా డాకు మహారాజ్. ఉత్తరాదిలో ఓ సామాన్యుడు పేదల ఆదుకునేందుకు అప్పటి పాలకులపై పోరాడే నాయకుడిగా ఎదిగినవాడే డాకు మహారాజ్. రాజ్యంలేని రాజు అంటూ ఇటీవలే టీజర్ కూడా విడుదల చేశారు. ఛంబల్ లోయలో జరిగిన అలనాటి కథగా సోషల్ మీడియాలో కథనాలు వచ్చాయి. బాలక్రిష్ణ గుర్రంపై స్వారీ చేయడం యాక్షన్ సన్నివేశాలు చేయడం టీజర్ లో చూపించారు. ఇది బాలయ్య బాబు ఒరిజినల్ గా చేసినవే. నో డూబ్ అంటూ తెలిపారు.

కాగా, ఈ సినిమాను వచ్చే ఏడాది సంక్రాంతికి జనవరి 12న విడుదలకు సిద్ధమవుతోంది. ప్రస్తుతం షూటింగ్ దశతోపాటు పోస్ట్ ప్రొడక్షన్ పనులు కూడా సజావుగా జరుగుతున్నాయి. అయితే ఈ చిత్రం ట్రైలర్ తోపాటు జనవరి మొదటి వారంలో ఫ్రీ రిలీజ్ ఈవెంట్ కూడా నిర్వాహకులు సన్నాహాలు చేస్తున్నారు. ఈ కార్యక్రమానికి ఊహకందని ముఖ్యఅతిథి వస్తున్నాడు అంటూ బాలయ్య అభిమానులు సోషల్ మీడియాలో పోస్ట్ చేశారు. అయితే ఇది ఎవరూ ఊహించని వ్యక్తి అంటే పవర్ స్టార్ కళ్యాణ్ అంటూ మరికొందరు తెలియజేస్తున్నారు. ఇదే నిజమైతే బాలయ్య ట్రెండ్ స్రుష్టించినట్లే. ఇప్పటికే పవన్ కళ్యాణ్ తో బాలయ్య అన్ స్టాపబుల్ ప్రోగ్రామ్ కూడా చేసినట్లు తెలుస్తోంది.