బాలయ్య చిత్రంలో సెంచరీ స్టార్... సంక్రాంతి రేస్‌లో 'గౌతమీపుత్ర శాతకర్ణి'
యువ‌ర‌త్న నంద‌మూరి న‌ట‌సింహం నటిస్తున్న "గౌతమీపుత్ర శాతకర్ణి'' సినిమా గురించి రోజుకో వార్త వెలువడింది. రూ.70 కోట్ల భారీ బ‌డ్జెట్‌తో బాలయ్య కేరీర్‌లోనే ఎంతో ప్రతిష్టాత్మకంగా రూపొందుతోన్న ఈ చిత్రంపై భా
యువ‌ర‌త్న నంద‌మూరి న‌ట‌సింహం నటిస్తున్న "గౌతమీపుత్ర శాతకర్ణి'' సినిమా గురించి రోజుకో వార్త వెలువడింది. రూ.70 కోట్ల భారీ బ‌డ్జెట్‌తో బాలయ్య కేరీర్‌లోనే ఎంతో ప్రతిష్టాత్మకంగా రూపొందుతోన్న ఈ చిత్రంపై భారీ అంచనాలు నెలకొన్నాయి. 100వ సినిమాగా తెర‌కెక్కుతున్న శాతకర్ణి సినిమా కోసం ద‌ర్శ‌కుడు క్రిష్ ఏ విష‌యంలో కూడా అస్స‌లు రాజీప‌డ‌డం లేదు.
మొరాకో.. జార్జియా లాంటి దేశాలకు వెళ్లి అద్భుతమైన లొకేషన్లలో షూటింగ్ చేయించిన క్రిష్ ఇక్క‌డ కూడా భారీ సెట్టింగ్స్ వేయించి మ‌రీ ఈ సినిమాలో అల‌నాటి వాతావ‌ర‌ణం ప్ర‌తిబింబించేలా జాగ్రత్తలు తీసుకుంటున్నాడు. సినిమా టేకింగ్‌తో పాటు న‌టీన‌టుల విష‌యంలో కూడా క్రిష్ చాలా జాగ్రత్తలు తీసుకుంటున్నాడు. ఇప్పటికే ఈ చిత్రంలో శాతకర్ణి తల్లిగా అందాల తార హేమమాలిని నటిస్తుండగా... కబీర్ బేడి వంటి ఇంటర్నేషనల్ యాక్టర్ కూడా నటిస్తున్నాడు.
ఇంకా శాత‌క‌ర్ణిలో కన్నడ సూపర్ స్టార్ శివరాజ్ కుమార్‌ను ఓ కీలక పాత్రలో చూపించబోతున్నట్లు టాలీవుడ్ వర్గాలు అంటున్నాయి. ఇటీవ‌లే శివరాజ్ సినిమా 'శివలింగ' 100 రోజుల వేడుకకు కూడా బాలయ్య హాజరయ్యాడు. బాలయ్య సైతం శాతకర్ణి సినిమా విశిష్ట‌త‌ను వివ‌రించ‌డంతో శివరాజ్ ఆ కీలక రోల్ చేసేందుకు ఒప్పుకున్నాడ‌ని సమాచారం. దీంతో ఈ సినిమాపై శాండ‌ల్‌వుడ్‌లో కూడా అంచనాలు పెరిగాయి. దాదాపు షూటింగ్ పూర్తి చేసుకున్న ''గౌతమీపుత్ర శాతకర్ణి'' వచ్చే ఏడాది సంక్రాంతికి విడుదల కాబోతోంది.