ప‌వ‌న్ క‌ళ్యాణ్-బాలయ్య చుట్టూ తిరుగుతున్న బోనీ కపూర్, ఎందుకు?

బాలీవుడ్ ప్రొడ్యూస‌ర్... నంద‌మూరి బాల‌కృష్ణ‌, ప‌వ‌ర్ స్టార్ ప‌వ‌న్ క‌ళ్యాణ్ చుట్టూ తిరుగుతున్నాడ‌ట‌. ఇంత‌కీ ఎవ‌రా ప్రొడ్యూస‌ర్ అనుకుంటున్నారా..? బోనీ క‌పూర్. అవును... ఇది నిజంగా నిజం. మేట‌ర్ ఏంటంటే... హిందీలో నిర్మించిన పింక్ సినిమా ఘ‌న విజ‌యం సాధించింది. ఈ సినిమా త‌మిళ్‌లో అజిత్ తో రీమేక్ చేస్తే... అక్క‌డ కూడా స‌క్స‌స్ అయ్యింది. దీంతో ఇప్పుడు దీనిని తెలుగులో రీమేక్ చేయాల‌నుకుంటున్నారు.

నంద‌మూరి న‌ట సింహం బాల‌కృష్ణ ప్ర‌స్తుతం త‌మిళ ద‌ర్శ‌కుడు కె.ఎస్. ర‌వికుమార్ ద‌ర్శ‌క‌త్వంలో ఓ సినిమా చేస్తున్నారు. సి.క‌ళ్యాణ్ ఈ సినిమాని నిర్మిస్తున్నారు. ఇటీవ‌ల విదేశాల్లో షూటింగ్ జ‌రుపుకున్న ఈ సినిమా అక్టోబ‌ర్ 5 నుంచి హైద‌రాబాద్‌లో షూటింగ్ జ‌రుపుకోనుంది. 

ఇదిలాఉంటే... పింక్ తెలుగు రీమేక్ రైట్స్ బాలీవుడ్ ప్రొడ్యూస‌ర్ బోనీక‌పూర్ ద‌గ్గ‌ర ఉన్నాయి. తెలుగులో ఈ చిత్రాన్ని నిర్మించేందుకు బాల‌య్య‌ను సంప్ర‌దించార‌ట‌. అయితే... బాల‌య్య ఇంకా త‌న నిర్ణ‌యం చెప్ప‌లేద‌ట‌. 

రీసెంట్‌గా ప‌వ‌ర్ స్టార్ ప‌వ‌న్ క‌ళ్యాణ్‌ని ఈ రీమేక్‌లో న‌టించ‌మ‌ని సంప్ర‌దించార‌ట‌. అయితే... ప‌వ‌న్ పాజిటివ్‌గానే స్పందించార‌ట కానీ... ఇంకా ఏ విష‌యం చెప్ప‌లేద‌ట‌. దీంతో పింక్ తెలుగు రీమేక్‌లో ఎవ‌రు న‌టించ‌నున్నారు అనేది ఆస‌క్తిగా మారింది.