పవర్ పవన్ కళ్యాణ్ నటించిన చిత్రం "ఖుషి". సంచలన విజయాన్ని నమోదు చేసుకుంది. పవన్ సినీ కెరీర్‌ను మలుపుతిప్పిన చిత్రం. ఇందులో భూమిక హీరోయిన్. ఓ సన్నివేశంలో ఆమె నల్లచీర కట్టుకుని ప్రదర్శించిన నాభి అందాలకు ప్రేక్షకులు ఫిదా అయిపోయారు. ఆ తర్వాత ఈ అమ్మడు పెళ్లి చేసుకుని, సినీ ఇండస్ట్రీకి దూరమైంది.
ఇటీవలి కాలంలో రీ ఎంట్రీ ఇచ్చినప్పటికీ అక్క, వ‌దిన పాత్ర‌ల్లో మెప్పిస్తున్నారు. అయితే టాలీవుడ్ ఫిల్మ్ వర్గాల సమాచారం మేరకు భూమిక‌కు మ‌రో మంచి అవ‌కాశం ద‌క్కింద‌ట. అదేంటంటే ఓ స్టార్ హీరో సినిమాలో లేడీ విల‌న్‌గా. ఇంతకూ ఆ స్టార్ హీరో ఎవ‌ర‌ని అనుకుంటున్నారా? న‌ంద‌మూరి బాల‌కృష్ణ.
సెన్సేషనల్ డైరెక్టర్ బోయపాటి శ్రీను ద‌ర్శ‌క‌త్వంలో బాల‌కృష్ణ హీరోగా న‌టిస్తోన్న 106వ చిత్రం ప్ర‌స్తుతం సెట్స్‌పై ఉంది. ఇటీవ‌ల తొలి షెడ్యూల్ షూటింగ్‌ను పూర్తి చేసుకుంది. క‌రోనా ప్ర‌భావం త‌గ్గిన తర్వాత రెండో షెడ్యూల్ షూటింగ్‌ ప్రారంభించనున్నారు.
ఈ చిత్రంలో లేడీ విలన్ పాత్రలో భూమిక న‌టింపచేస్తున్నార‌ట. బాల‌కృష్ణ గ‌త చిత్రం 'రూల‌ర్'లో నటించిన భూమిక మ‌రోసారి బాలయ్య సినిమాలో న‌టించ‌నున్నారు. మ‌రి లేడీ విలన్ వార్తలపై క్లారిటీ రావాలంటే చిత్ర యూనిట్ స్పందించాల్సివుంది.