పవర్‌పుల్ హీరోయిన్‌పై కన్నేసిన పవర్ స్టార్!

ఆదివారం, 5 ఏప్రియల్ 2020 (16:10 IST)
పవర్ స్టార్ పవన్ కళ్యాణ్ రాజకీయాలతో పాటు... పలు చిత్రాల్లో నటిస్తున్నారు. ప్రస్తుతం బాలీవుడ్ చిత్రం పింక్ రీమేక్ చిత్రం వకీల్ సాబ్ సినిమాలో నటిస్తున్నారు. కరోనా వైరస్ భూతం కారణంగా ఈ చిత్రం షూటింగ్ వాయిదాపడింది. ప్రస్తుతం ఆయన ఇంటికే పరిమితమయ్యారు. 
 
ఈ చిత్రం తర్వాత ఆయన క్రిష్ జాగర్లమూడి దర్శకత్వంలో మరో చిత్రం చేస్తున్నారు. ఈ సినిమా షూటింగ్ స్టార్ట్ అయినా కొన్నిరోజుల‌కు క‌రోనా వైర‌స్ ప్ర‌భావంతో ఆగింది. కోవిడ్ 19 ప్రభావం తగ్గిన తర్వాత ఈ మూవీ షూటింగ్ యధావిధిగా ప్రారంభంకానుంది. 
 
అయితే, ఈ సినిమాలో నటించే హీరోయిన్ కోసం వేట కొనసాగింది. తొలుత జాక్వెలైన్‌, కీర్తి సురేష్ పేర్లు ప్ర‌ముఖంగా విన‌ప‌డ్డాయి. ఆ తర్వాత లావణ్య త్రిపాఠి పేరు తెరపైకి వచ్చింది. ఇపుడు టాలీవుడ్ లేడీ సూపర్ స్టార్ అనుష్క శెట్టి పేరు వినిపిస్తోంది. 
 
గ‌తంలో క్రిష్ ద‌ర్శ‌క‌త్వంలో తెర‌కెక్కిన "వేదం"లో అనుష్క న‌టించింది. ఆ ప‌రిచ‌యంతోనే క్రిష్ అడ‌గ‌టంతో మ‌రోసారి ఆయన సినిమాలో న‌టించ‌డానికి ఓకే అన్న‌ట్లు వార్త‌లు విన‌ప‌డుతున్నాయి. మ‌రి ఇందులో నిజా నిజాలు తెలియాలంటే చిత్ర యూనిట్ స్పందించాల్సిందే. 

వెబ్దునియా పై చదవండి

తర్వాతి కథనం 'ఇండియన్-2'కు కష్టాల పరంపర... షూటింగ్ నిలిపివేతపై నిర్మాత ఆలోచన!?