బాలయ్య - బోయపాటి కలిస్తే 'డేంజర్'? నిజమేనా??

యువరత్న నందమూరి బాలకృష్ణ - సెన్సేషనల్ డైరెక్టర్ బోయపాటి శ్రీను కాంబినేషన్‌లో ఓ చిత్రం రానుంది. బీబీ3 అనే వర్కింగ్ టైటిల్‌తో ఈ చిత్రం తెరకెక్కనుంది. అంటే.. వీరిద్దరి కాంబినేషన్‌లో ముచ్చటగా రానున్న మూడో చిత్రం ఈ బీబీ3. 

ప్రస్తుతం కరోనా కారణంగా ఈ చిత్రానికి బ్రేక్ పడింది. పరిస్థితులన్నీ కాస్త చక్కబడగానే.. మళ్లీ ఈ చిత్రం సెట్స్‌పైకి వెళ్లనుంది. అయితే ఈ చిత్రానికి టైటిల్ ఏమిటనే విషయంపై ఇప్పటికే సోషల్ మీడియాలో అనేకానేక వార్తలు వినిపిస్తున్నాయి. ప్రస్తుతానికైతే ఈ చిత్రాన్ని 'బీబీ3' అని పిలుస్తున్నారు. ఇటీవల విడుదల చేసిన టీజర్‌కు అద్భుతమైన రెస్పాన్స్ వచ్చిన విషయం తెలిసిందే.

ఇక టైటిల్ విషయానికి వస్తే, ఈ చిత్రానికి 'డేంజర్' అనే పేరు పెట్టనున్నట్టు సమాచారం. ఇదేపేరుతో ప్రముఖ దర్శకుడు కృష్ణవంశీ ఓ చిత్రాన్ని నిర్మించాడు. ఇపుడు ఇదే టైటిల్ మరోమారు తెరపైకి వచ్చింది. 

ఇంకోవైపు, 'టార్చ్‌బేరర్' అనే టైటిల్ కూడా తాజాగా సోషల్ మీడియాలో చక్కర్లు కొడుతోంది. టార్చ్ బేరర్ అనే ఎక్కడో విన్నట్టు ఉంది అనేకదా మీ సందేహం. నిజమే... ఎక్కడో కాదు అబ్బాయి తారక్ ‘అరవింద సమేత వీరరాఘవ’ చిత్రంలో రావు రమేష్ చెప్పే డైలాగ్ ఇది. 

ఈ చిత్రం హీరో ఎన్టీఆర్ గురించి వివరిస్తూ.. ఆ సినిమాలో విలన్ రావు రమేష్ చెబుతాడు. అప్పటి ఈ మాటే ఇప్పుడు బాలయ్య చిత్ర టైటిల్ కాబోతోందా? ఏమో.. దీనిపై చిత్రయూనిట్ ఎలా స్పందిస్తుందో.. చూద్దాం. నెటిజన్లు మాత్రం ఈ రెండు టైటిళ్ళపై తెగ చర్చ సాగిస్తున్నారు.