నయనతార.. అనుష్క వీరిద్దరిలో ఎక్కువ మార్కులు ఎవరికి?
నయనతార.. అనుష్క వీరిద్దరిలో ఎవరికి మార్కులొస్తాయని.. నెటిజన్లు బెట్ కడుతున్నారు. ఇంతకీ.. అనుష్క, నయనను టార్గెట్ చేస్తూ నెటిజన్లు ఎందుకు బెట్ కడుతున్నారంటే.. వీరిద్దరూ కలెక్టర్ రోల్స్ చేస్తున్నారట. తమి
గురువారం, 9 నవంబరు 2017 (11:48 IST)
నయనతార.. అనుష్క వీరిద్దరిలో ఎవరికి మార్కులొస్తాయని.. నెటిజన్లు బెట్ కడుతున్నారు. ఇంతకీ.. అనుష్క, నయనను టార్గెట్ చేస్తూ నెటిజన్లు ఎందుకు బెట్ కడుతున్నారంటే.. వీరిద్దరూ కలెక్టర్ రోల్స్ చేస్తున్నారట. తమిళంలో నయనతారకి గల క్రేజ్ గురించి ప్రత్యేకంగా చెప్పుకోవలసిన పనిలేదు. గ్లామర్ పరంగాను .. నటన పరంగాను అక్కడి ప్రజలు ఆమెకి నీరాజనాలు పడుతుంటారు. అలాంటి నయనతార తమిళంలో 'అరమ్' సినిమా చేసింది.
ఈ నెల 10వ తేదీన భారీస్థాయిలో ప్రపంచ వ్యాప్తంగా విడుదల కానుంది. ఈ సినిమాలో నయనతార కలెక్టర్ పాత్రలో కనిపించనుంది. లేడీస్ సూపర్ స్టార్‌గా నయనతారకు ఈ సినిమా రిలీజ్‌కు ముందే అగ్ర హీరోలకు పెట్టే కటౌట్లు నయనకు పెట్టారు. కలెక్టర్‌గా నయన ఇందులో అదరగొట్టేసిందని ప్రివ్యూ టాక్ చెప్తోంది. మరోవైపు.. ఈ చిత్రంలో తెలుగులో 'కర్తవ్యం' పేరుతో ప్రేక్షకుల ముందుకు రానుంది.
ఇక తెలుగులో అనుష్క ప్రధాన పాత్రగా 'భాగమతి' సినిమా చేసిన సంగతి తెలిసిందే. ప్రస్తుతం పోస్ట్ ప్రొడక్షన్ పనులను జరుపుకుంటోన్న ఈ సినిమాలో, అనుష్క కూడా కలెక్టర్ పాత్రలో కనిపించనుంది. అశోక్ దర్శకత్వం వహించిన ఈ సినిమా, తెలుగుతో పాటు తమిళంలోను సంక్రాంతికి విడుదల కానుంది. కలెక్టర్లుగా నటించే ఈ ఇద్దరు కథానాయికలలో ఎవరు ఎక్కువ మార్కులు కొట్టేస్తారో వేచి చూడాలి.