పవన్‌తో కలిసి స్క్రీన్ షేర్ చేసుకోనున్న అకీరా నందన్

తన తండ్రి, సినీ హీరో పవన్ కళ్యాణ్‌తో కలిసి తనయుడు అకీరా నందన్ స్క్రీన్ షేర్ చేసుకోనున్నారు. పవన్ హీరోగా ఓజీ అనే పేరుతో ఓ చిత్రం తెరకెక్కుతుంది. సుజిత్ దర్శకుడు. ముంబై నేపథ్యంలో గ్యాంగ్‌స్టర్ మూవీగా రూపొందిస్తున్నారు. గతయేడాది రిలీజైన గ్లింప్స్‌కు అద్భుతమైన స్పందన వచ్చింది. దీంతో మూవీ కోసం పవన్ ఫ్యాన్స్ ఎంతో ఆత్రుతగా ఎదురు చూస్తున్నారు. అయితే, ఈ సినిమా గురించి మరోమారు ఓ క్రీజీ వార్త సోషల్ మీడియాలో చక్కర్లుకొడుతుంది. 

ఓజీలో పవన తనయుడు అకీరా నందన్ నటించనున్నట్టు సోషల్ మీడియాలో విస్తృతంగా ప్రచారం సాగుతుంది. ఒకవేళ ఇదే నిజమైతే ఫ్యాన్స్​కి పూనకాలు రావడం ఖాయం. ఎందుకంటే పవన్​ను స్క్రీన్​పై చూసి అభిమానులు పూనకం వచ్చినట్లు కేరింతలు కొడతారు. అలాంటిది పవన్‌, ఆయన కుమారుడు అకీరా నందన్​ ఒకే సినిమాలో కనిపిస్తే అభిమానుల హంగామా మరో స్థాయిలో ఉండటం ఖాయం. 

అయితే ఓజీలో అకీరా నందన్ పవన్ చిన్నప్పటి పాత్రను చేస్తారని సోషల్ మీడియా చర్చ జరుగుతోంది. ఇప్పటికే పవన్​కు డైరెక్టర్ సుజీత్ అకీరా పాత్ర గురించి చెప్పారని నెటిజన్లు చర్చించుకుంటున్నారు. మరికొందరు ఓజీలో అకీరా గెస్ట్ రోల్ లేదా ప్రత్యేకమైన పాత్ర చేస్తారని అంటున్నారు. ఒకవేళ పవన్ ఓజీలో అకీరా నటిస్తే అదే అతడి డెబ్యూ మూవీ అవుతుంది.