నాగచైతన్య, సినీ నటి సమంతల వివాహ ఏర్పాట్లు అట్టహాసంగా జరుగుతున్నాయి. వీరిద్దరి వివాహం అక్టోబరులో ఫిక్సైంది. అయితే అఖిల్‌కు కూడా వెంటనే పెళ్లి చేసేయాలని నాగ్ పట్టుబడుతున్నట్లు సమాచారం. ఈ క్రమంలో అఖిల్
సినీ నటులు నాగార్జున, అమల దంపతుల కుమారుడు అఖిల్ అక్కినేని పెళ్ళిపై మరో రూమర్ పుట్టుకొచ్చింది. ప్రముఖ ఫ్యాషన్ డిజైనర్ శ్రియా భూపాల్‌తో అక్కినేని అఖిల్ వివాహ నిశ్చితార్థం జరిగిన సంగతి తెలిసిందే. అయితే ఆ పెళ్ళి కాస్త రద్దైంది. ఆపై అఖిల్ తన రెండో సినిమాపై కన్నేశాడు. దీంతో ఇప్పట్లో అఖిల్ పెళ్లి లేదని అందరూ అనుకున్నారు. ఈ నేపథ్యంలో అఖిల్ సోదరుడు నాగచైతన్య, సినీ నటి సమంతల వివాహ ఏర్పాట్లు అట్టహాసంగా జరుగుతున్నాయి. వీరిద్దరి వివాహం అక్టోబరులో ఫిక్సైంది.
అయితే అఖిల్‌కు కూడా వెంటనే పెళ్లి చేసేయాలని నాగ్ పట్టుబడుతున్నట్లు సమాచారం. ఈ క్రమంలో అఖిల్‌కు మరో అగ్ర నటుడు వెంకటేశ్ కుమార్తెతో వివాహం ఫిక్సయినట్లు ఫిలిమ్ నగర్ వర్గాల్లో జోరుగా చర్చ సాగుతోంది. అఖిల్‌కు పిల్లనివ్వాల్సిందిగా వెంకీతో నాగార్జున మాట్లాడారని.. గతంలో ఉన్న బంధుత్వం కారణంగా ఈ వివాహానికి వెంకటేష్ కూడా గ్రీన్ సిగ్నల్ ఇచ్చారని సోషల్ మీడియాలో జోరుగా ప్రచారం సాగుతోంది. కానీ ఈ వార్తలపై నాగార్జున కానీ, వెంకీ ఫ్యామిలీ నుంచి ఎలాంటి స్పందన రాలేదు.