తెలంగాణ రాష్ట్ర పోలీసు శాఖ ఫ్రెండ్లీ పోలీసింగ్ విధానాన్ని అమలు చేస్తున్నట్టు గొప్పగా ప్రచారం చేస్తోంది. కానీ, నిందితుల పట్ల హైదరాబాద్ నగర పోలీసులు ప్రవర్తిస్తున్న తీరుచూస్తే ప్రతి ఒక్కరూ విస్తుపోవాల్స
తెలంగాణ రాష్ట్ర పోలీసు శాఖ ఫ్రెండ్లీ పోలీసింగ్ విధానాన్ని అమలు చేస్తున్నట్టు గొప్పగా ప్రచారం చేస్తోంది. కానీ, నిందితుల పట్ల హైదరాబాద్ నగర పోలీసులు ప్రవర్తిస్తున్న తీరుచూస్తే ప్రతి ఒక్కరూ విస్తుపోవాల్సిందే. ముఖ్యంగా, మాదాపూర్ అడిషినల్ డీసీపీ ర్యాంకులో ఉన్న పోలీసు ఉన్నతాధికారి గంగిరెడ్డి ఓ నిందితుడిపట్ల ప్రవర్తించినతీరు ఇపుడు తీవ్రవిమర్శలకు దారితీసింది.
విచారణ నిమిత్తం నిందితుడిని స్టేషన్‌కు పిలిపించిన డీసీపీ గంగిరెడ్డి తన మార్క్ కౌన్సిలింగ్ ఇవ్వడంపై విమర్శలు చెలరేగాయి. డీసీపీ గంగిరెడ్డి ఇచ్చిన ట్రీట్మెంట్‌పై సోషల్ మీడియాలో వైరల్ అయ్యింది. ఫ్రెండ్లీ పోలిసింగ్ అంటే ఇదేనా అంటూ నెటిజన్లు దుమ్మెత్తిపోస్తున్నారు.
ఇంతకీ గంగిరెడ్డి తన మార్క్ కౌన్సింగ్ ఇచ్చింది ఎవరికో తెలుసా? టాలీవుడ్ షార్ట్ ఫిల్మ్ దర్శకుడు యోగికి. ఈయన నటి హారికను లైంగిక వేధింపులకు గురిచేసినట్టు ఆరోపణలు వచ్చాయి. వీటిపై బాధితురాలు ఇచ్చిన ఫిర్యాదు మేరకు దర్శకుడు యోగిని స్టేషన్‌కు పిలిపించిన గంగిరెడ్డి తన మార్క్ కౌన్సిలింగ్ ఇచ్చారు.
దీన్ని ఎవరో వీడియో తీసి సోషల్ మీడియాలో పోస్ట్ చేశారు. అంతే.. ఇది ఒక్కసారిగా వైరల్ అయింది. నెటిజన్లు తెలంగాణ రాష్ట్ర హోం శాఖ అమలు చేస్తున్న ఫ్రెండ్లీ పోలీసింగ్ విధానంపై దుమ్మెత్తి పోస్తూ, తీవ్ర విమర్శలు చేస్తున్నారు.