హైదరాబాద్ నగరంలో పుట్టిన రోజు వేడుకల పేరుతో రేవ్ పార్టీ నిర్వహించారు. ఇందులో అమ్మాయిలతో పూర్తిగా నగ్న డ్యాన్సులు చేయించారు. ఈ విషయాన్ని పసిగట్టిన గ్రామస్తులు పోలీసులకు సమాచారం చేరవేయడంతో గుట్టురట్టయింది.
హైదరాబాద్ నగరంలోని పహడీషరీఫ్‌ పీఎస్ పరిధిలోని ఆర్‌జీ కాలనీ సమీపంలో ఓ ఫాంహౌస్‌లో వేకువజామున రేవ్ పార్టీ జరుగుతున్నట్టు పోలీసులకు సమాచారం వచ్చింది. దీంతో కొంతమంది పోలీసుల బృందం ఆ ఫామ్‌హౌస్‌పై ఆకస్మిక తనిఖీలు చేపట్టింది.
ఈ తనిఖీల్లో పోలీసులు 15 మంది యువకులు, ముగ్గురు యువతులు అరెస్ట్ చేశారు. యువకుల్లో బడాబాబుల కుమారులు ఉన్నట్టు సమాచారం. నిందితులు పాతబస్తీకి చెందినవారని పోలీసులు వెల్లడించారు.