Vijayashanthi: గుడ్ మార్నింగ్‌లు వద్దు.. జై తెలంగాణ అని పలకరించుకోవాలి.. విజయశాంతి

vijayashanthi

తెలంగాణ ప్రజలు గుడ్ మార్నింగ్ లేదా గుడ్ ఈవినింగ్ అని చెప్పుకునేందుకు బదులుగా "జై తెలంగాణ" అని పలకరించుకోవాలని కాంగ్రెస్ ఎమ్మెల్సీ, సినీ నటి విజయశాంతి కోరారు. బోరబండలో జరిగిన బోనాలు ఉత్సవాల్లో పాల్గొన్న సందర్భంగా విజయశాంతి ఈ వ్యాఖ్యలు చేశారు. 

తెలంగాణను మళ్ళీ దోచుకోవడానికి ప్రయత్నిస్తున్న స్వార్థ ప్రయోజనాలు ఉన్నాయి. ప్రజలు అప్రమత్తంగా ఉండి, అలాంటి శక్తులు రాష్ట్రంలోకి ప్రవేశించకుండా నిరోధించాలి.. అని ఆమె అన్నారు. మనం ఒకరినొకరు పిడికిలి బిగించి ‘జై తెలంగాణ’ అని గర్వంగా చెప్పుకుంటూ పలకరించుకోవాలి. 

గుడ్ మార్నింగ్ వంటి శుభాకాంక్షలు ఉపయోగించడం మానేయాలి అని విజయశాంతి పిలుపునిచ్చారు. ఇటీవలి వారాల్లో, మంత్రులు సహా అనేక మంది కాంగ్రెస్ నాయకులు అధికారిక కార్యక్రమాలలో జై తెలంగాణ నినాదం లేవనెత్తాలని డిమాండ్ చేశారు.

తెలంగాణ రాష్ట్రంను ఎన్నో పోరాటాలు చేసి మరీ సాధించుకున్నామని చెప్పారు. ఎంతో బంది బలిదానాలు చేసుకున్న తర్వాత తెలంగాణ కలసాకారమైందన్నారు. తెలంగాణ అనేది అక్షయపాత్ర అని చెప్పారు. తెలంగాణని దోచుకోడానికి మళ్లీ ప్రయత్నాలు జరుగుతున్నాయని తీవ్రస్థాయిలో ధ్వజమెత్తారు.