అత్యంత ప్రముఖ పండుగల్లో ఒకటైన సంక్రాంతి పండుగను పురస్కరించుకుని అనేక మంది నగర వాసులు తమతమ సొంతూళ్లకు బయలుదేరి వెళుతుంటారు. ఇలాంటి వారికోసం, రైళ్లలో రద్దీని నివారించే నిమిత్తం దక్షిణ మధ్య రైల్వే 52 అదనపు రైళ్లను నడుపనుంది.
నగరంలోని సికింద్రాబాద్‌, కాచిగూడ, చర్లపల్లి రైల్వేస్టేషన్ల నుంచి కాకినాడ, నర్సాపూర్‌, తిరుపతి, శ్రీకాకుళం ప్రాంతాలకు ఈ రైళ్లు నడపనున్నట్లు తెలిపింది. ఆయా ప్రాంతాలకు ఈనెల 6 నుంచి 18వ తేదీ వరకు ఇవి అందుబాటులో ఉంటాయని వెల్లడించింది. ఈ మేరకు దక్షిణ మధ్య రైల్వే ఆదివారం విడుదల చేసిన ఓ ప్రకటన విడుదల చేసింది.
ప్రపంచంలోని కొందరు వ్యక్తులు అసాధ్యమనుకున్నపనిని సుసాధ్యం చేస్తుంటారు. అలాంటి పనులు చేసేవారు గిన్నిస్ వరల్డ్ రికార్డ్స్‌లో తమ పేరును సంపాదించుకుంటుంటారు. తాజాగా తెలంగాణ రాష్ట్రం సూర్యాపేటకు చెందిన క్రాంతి కుమార్ పనికెర అనే వ్యక్తి నాలుకతో టేబుల్ ఫ్యాన్ రెక్కలను ఆపేశాడు. అదీ కేవలం ఒకే ఒక్క నిమిషంలో 57 ఎలక్ట్రిక్ ఫ్యాన్ బ్లేడ్లను నిలిపాడు. ఈ సాహసోపేత పనితో గిన్నిస్ బుక్ ఆఫ్ వరల్డ్ రికార్డ్స్ కెక్కాడు.
సూర్యాపేట వాసి క్రాంతి కుమార్ ఒక్క నిమిషంలో 57 ఎలక్ట్రిక్ ఫ్యాన్ బ్లేడ్లను నాలుకతో ఆపేసి గిన్నిస్ వరల్డ్ రికార్డ్స్ చోటు సంపాదించాడు. మనోడి ఈ సాహసోపేత ప్రదర్శన తాలూకు వీడియోను గిన్నిస్ బుక్ తన అధికారిక ఇన్‌స్టాగ్రామ్ ఖాతా ద్వారా పంచుకుంది. వీడియోలో వేగంగా తిరుగుతున్న ఫ్యాన్ బ్లేడ్లను క్రాంతి కుమార్ తన నాలుకతో ఆపడం కనిపించింది. కొన్ని ఫ్యాన్లను ఆపిన తర్వాత అతని నాలుకకు గాయమై రక్తం కారడం కూడా వీడియోలో ఉంది.
అయినా అతడు వెనుకడుగు వేయకుండా అలాగే ముందుకు సాగాడు. చివరికి ఒక్క నిమిషంలో 57 ఎలక్ట్రిక్ ఫ్యాన్ బ్లేడ్లను నాలుకతో ఆపి వరల్డ్ రికార్డు సృష్టించాడు. దీంతో క్రాంతి కుమార్‌కు గిన్నిస్ వరల్డ్ రికార్డు సంస్థ సర్టిఫికెట్ అందజేసింది. '57 ఎలక్ట్రిక్ ఫ్యాన్ బ్లేడ్లు క్రాంతి కుమార్ ఒక్క నిమిషంలో నాలుకను ఉపయోగించి ఆపేశారు' అని గిన్నిస్ బుక్ రాసుకొచ్చింది. ఈ వీడియో ఇప్పుడు నెట్టింట వైరల్ అవుతోంది. దీనిపై నెటిజన్లు తమదైనశైలిలో స్పందిస్తున్నారు.