మియాపూర్‌లోని నిర్మానుష్య ప్రదేశంలో ఓ ట్రావెల్ బ్యాగులో మహిళ మృతదేహం కలకలం రేపింది. ఈ కేసుకు సంబంధించి నిందితుడిని పోలీసులు అరెస్ట్ చేశారు. ఈ కేసు గురించి పోలీసులు మీడియాతో మాట్లాడుతూ.. నేపాల్‌ దేశానికి చెందిన విజయ్‌ తోపా (26) రెండు నెలల కిందట నేపాల్‌ నుంచి ఇద్దరు పిల్లల తల్లి తారాబెహరా(33)తో అక్రమ సంబంధం పెట్టుకుని హైదరాబాద్‌కు తీసుకొచ్చాడు. అతడు బౌరంపేట్‌లోని ఓ ఫాస్ట్‌ఫుడ్‌ సెంటర్‌లో పనిచేస్తూ జీవనం సాగిస్తున్నాడు.
తారా బెహరా 2 నెలల గర్భవతి కావడంతో విజయ్‌ తోఫాతో గొడవ జరిగింది. ప్రెగ్నెంట్‌ విషయంలో ఇద్దరికి గొడవ జరుగుతున్న నేపథ్యంలో తారా బెహరా మెడకు విజయ్‌ తోపా చున్నీ చుట్టి మే 23వ తేదీన హత్య చేశాడు. అనంతరం ఆ మృతదేహాన్ని ట్రావెల్ బ్యాగ్‌లో బాచుపల్లి పోలీస్‌స్టేషన్‌ పరిధి రెడ్డి ల్యాబ్స్‌ పక్కన పడేసి వెళ్లాడు. స్థానికుల సమాచారం మేరకు పోలీసులు కేసు నమోదు చేసుకుని దర్యాప్తు చేపట్టారు. సీసీటీవీ ఆధారంగా నిందితుడి అరెస్ట్ చేసారు. నిందితుడు నేరాన్ని అంగీకరించినట్లు పోలీసులు తెలిపారు.