ఇన్‌స్టా యువకుడి కోసం బిడ్డను బస్టాండులో వదిలేసిన కన్నతల్లి

సామాజిక మాధ్యమమైన ఇన్‌స్టాగ్రామ్‌లో పరిచయమైన యువకుడి కోసం కన్నబిడ్డను ఓ కన్నతల్లి బస్టాండులో వదిలేసి వెళ్లిపోయింది. తెలంగాణ రాష్ట్రంలోని నల్గొండ జిల్లా ఆర్టీసీ బస్టాండులో ఈ హృదయ విదారకమైన సంఘటన జరిగింది. 

హైదరాబాద్ నగరానికి చెందిన ఓ మహిళకు ఇన్‌స్టాగ్రామ్‌లో పరిచయమైన ఓ యువకుడు పరిచయమయ్యాడు. ఆ యువకుడు నల్గొండలో ఉన్నట్టు చెప్పాడు. దీంతో తన బిడ్డతో పాటు ఆ మహిళ హైదరాబాద్ నుంచి నల్గొండకు వచ్చింది. బస్టాండులో యువకుడుని చూడగానే ఆ మహిళ కన్నబిడ్డను అక్కడే వదిలివేసి, ఆ యువకుడుతో కలిసి బైకులో వెళ్లిపోయింది.

కన్నతల్లి బస్టాండులో వదిలివేయడంతో ఆ మగబిడ్డ గుక్కపెట్టి ఏడుపు మొదలుపెట్టడంతో ఆర్టీసీ సిబ్బంది పోలీసులకు సమాచారం చేరవేశారు. దీంతో అక్కడకు చేరుకున్న పోలీసులు... ఆ బిడ్డను అదుపులోకి తీసుకున్నారు. ఆ తర్వాత ఆ బిడ్డ తల్లిదండ్రుల ఆచూకీ తెలుసుకుని బాలుడుని అప్పగించారు.