మెస్సీ కంటతడి.. ఫుట్‌బాల్‌కు రిటైర్మెంట్: సచిన్-మెస్సీల జెర్సీ సేమ్ నెంబర్.10

ప్రపంచ ఫేవరెట్ జట్టు అర్జెంటీనాకు మరో షాక్ తగిలింది. కోపా అమెరికా కప్ టోర్నీ సెమీఫైనల్లో చిలీ చేతిలో అర్జెంటీనా ఓడిపోవడంతో కంటతడిపెట్టుకున్న ప్రపంచ దిగ్గజ ఫుట్ బాల్ ప్లేయర్ లియోనల్ మెస్సీ ఫ్యాన్స్‌కు

ప్రపంచ ఫేవరెట్ జట్టు అర్జెంటీనాకు మరో షాక్ తగిలింది. కోపా అమెరికా కప్ టోర్నీ సెమీఫైనల్లో చిలీ చేతిలో అర్జెంటీనా ఓడిపోవడంతో కంటతడిపెట్టుకున్న ప్రపంచ దిగ్గజ ఫుట్ బాల్ ప్లేయర్ లియోనల్ మెస్సీ ఫ్యాన్స్‌కు అనుకోని షాక్ ఇచ్చాడు. తాను అంతర్జాతీయ ఫుట్‌బాల్ నుంచి తప్పుకుంటున్నట్లు ప్రకటించాడు. భారీ అంచనాలతో కోపా అమెరికా టోర్నీలో రాణించలేకపోవడంతో మెస్సీ ఉద్వేగానికి లోనయ్యాడు. అందుకే ఈ టోర్నీతోనే తన ఫుట్ బాల్ కెరీర్‌కు మంగళం పాడాలనుకున్నాడు. 

ఈ సందర్భంగా మెస్సీ మాట్లాడుతూ.. అర్జెంటీనా జట్టు నుంచి తాను దూరమవుతున్నానని, భారీ అంచనాలతో టైటిల్ ఫేవరేట్‌గా బరిలోకి దిగిన అర్జెంటీనా మనస్తాపానికి గురైనందుకే మెస్సీ రిటైర్మెంట్ నిర్ణయానికి వచ్చినట్లు తెలుస్తోంది. ఇంకా మెస్సీ మాట్లాడుతూ.. ఈ నిర్ణయాన్ని తన కోసం తాను, తన రిటైర్మెంట్‌ను కోరుకునే ఎంతోమంది కోసం తీసుకున్నట్లు ఉద్వేగంగా మాట్లాడాడు. 

కాగా 2005లో అంతర్జాతీయ ఫుట్ బాల్‌ కెరీర్‌ను ఆరంభించిన మెస్సీ ఇప్పటిదాకా 113 ఆటల్లో 55 గోల్స్‌తో అత్యధిక గోల్స్ సాధించిన ఆటగాడిగా రికార్డు కెక్కాడు. క్రికెట్లో సచిన్‌తో మెస్సీని పోలిస్తే.. ఇద్దరి జెర్సీ నెంబర్ 10 కావడం గమనార్హం.