భర్తృహరి సుభాషితం... పోయిపోయి పాముకి ఆహారమైంది

ఓ ఎలుక పాముల వాని ఇంట రాత్రివేళ ఆహారం కోసం అన్వేషిస్తూ ఒక పెట్టెకు కన్నం వేసి అందులో దూరింది. అంతకుముందే ఆ పెట్టెలో బంధింపబడి వున్న పాము ఇక వెలుపలికి వెళ్లే ఆశ లేదనుకుని అక్కడే చుట్ట చుట్టుకుని ఇంద్రియ పాటవం కోల్పోయి ఆకలితో అలమటిస్తూ వుంది.

ఎలుక తనంత తానే పోయి ఆ పాము నోట పడింది. పాము దాన్ని మ్రింగి ఆకలి తీర్చుకుని ఆ కన్నం ద్వారానే చరచరా వెలుపలికి వెళ్లిపోయింది. వృద్ధి, వినాశాలకు దైవమే కారణం. కనుక దైవం మీద భారం వేసి నెమ్మదిగా వుండాలి.