హనుమంతుడు సీతారాముల దాసునిగా, రామ భక్తునిగా, విజయ ప్రదాతగా హిందూమతములో అత్యంత భక్తి శ్రద్ధలతో కొలువబడే స్వామి. ఆంజనేయుడు, మారుతి వంటి ఎన్నో పేర్లతో హనుమంతుని ఆరాధిస్తారు. దేశవిదేశాల్లో హనుమంతుని గుడి లేని ఊరు అరుదు. స్వామివారికి సంప్రదాయానుసారంగా శ్రీసీతారామ స్తుతి అత్యంత ప్రీతికరమైనది. రక్షణకు, గ్రహదోష నివారణకు, ఆరోగ్యానికి, మృత్యుభయ విముక్తికి ఆంజనేయుని స్తుతించడం సర్వ సాధారణం.