అక్కా చెల్లెళ్ళ శీలంపై కాటేసిన తండ్రి - చిన్నాన్న.. ఎక్కడ?

తమ బిడ్డలను కంటికి రెప్పలా కాపాడాల్సిన తండ్రి, చినతండ్రి కలిసి కాటేశారు. అక్కాచెల్లెళ్లపై అత్యాచారానికి తెగబడ్డారు. ఈ దారుణం ఛత్తీస్‌గఢ్ రాష్ట్రంలోని దుర్గ్ జిల్లాలో జరిగింది. తాజాగా వెలుగులోకి వచ్చిన ఈ వివరాలను పరిశీలిస్తే, 

గత 2017 నుంచి 17, 16 యేళ్ల వయస్సున్న అక్కాచెల్లెళ్ళపై తండ్రి, చిన్నతండ్రి వేధింపులు మొదలుపెట్టారు. తల్లికి మతిస్థిమితం లేకపోవడంతో దీన్ని తమకు అనుకూలంగా తీసుకున్నారు. దీంతో తన భార్య లేని సమయంలో చిన్నాన్న ఆ ఇద్దరు బాలికలను లైంగింగా వేధించసాగాడు. అతని వేధింపులు భరించలేక తండ్రికి చెప్పారు.

ఆయన రక్షణ కల్పించాల్సిందిపోయి తండ్రి కూడా లైంగికంగా వేధించసాగాడు. ఆ తర్వాత తండ్రి, చిన్నాన్న కలిసి ఆ అక్కా చెల్లెళ్లను అత్యాచారం చేయసాగారు. దీంతో బాధితురాళ్లు విసిగిపోయి.. ఇంటి నుంచి పారిపోయారు. ఆ తర్వాత తండ్రి ఏమీ తెలియనట్టుగా పోలీసులకు ఫిర్యాదు చేశారు. 

దీంతో కేసు నమోదు చేసిన పోలీసులు.. విచారణ చేపట్టి ఇద్దరు అక్కా చెల్లెళ్లను అదుపులోకి తీసుకుని విచారించగా అసలు విషయం బయటపడింది. దీంతో తండ్రి, చిన్నాన్నలను అరెస్టు చేశారు. కేసు నమోదు చేసి విచారణ జరుపుతున్నారు.