ప్రజలను చూసేందుకు ఊరిలోకి వచ్చిన పెద్దపులి?!! గోడ ఎక్కి నిద్రపోయింది

పెద్దపులి. ఈ క్రూర జంతువును అడవిలో దూరంగా చూస్తేనే వణికిపోతాము. అలాంటి ఈ జంతువు ఏకంగా గ్రామంలోకి అడుగుపెట్టింది. ఉత్తరప్రదేశ్ రాష్ట్రం పిలిభిత్ జిల్లాలోని టైగర్ రిజర్వ్ ఫారెస్ట్ నుండి రాత్రికి రాత్రి దారితప్పిన ఓ పెద్దపులి అత్కోనా గ్రామానికి వచ్చేసింది.

పెద్దపులిని వీధికుక్కలు తరమడంతో చిట్టచివరికి ఓ గోడపైకి ఎక్కి కూర్చుంది. ఆ తర్వాత కొద్దిసేపటికి హాయిగా నిద్రపోయింది. పెద్దపులి గోడపై ఎక్కి నిద్రిస్తుండటాన్ని చూసిన జనం భయభ్రాంతులకు లోనయ్యారు. చిత్రం ఏంటంటే.. ఆ పులి ప్రజలను చూస్తూ అలా గోడపై కూర్చుండిపోయింది. ఇదంతా చూసిన ప్రజలు.. ఈ పులిని జనాన్ని చూసేందుకు అడవి నుంచి వచ్చిందా అంటూ మాట్లాడుకున్నారు.