పుణేలోని ఓ ఇంట్లో పాముల స్మగ్లింగ్.. 70 పాముల్ని కలిగిన బాక్సును సీజ్ చేసిన పోలీసులు..

మహారాష్ట్రలోని పుణేలోని ఓ ఇంట్లో పాములను స్మగ్లింగ్ చేసేందుకు ఓ బాక్సులో ఉంచారు. పోలీసులకు అందిన సమాచారం ప్రకారం ఇంట్లో తనిఖీలు చేయగా ఈ స్మగ్లింగ్ రాకెట్ గుట్టు రట్టయింది. మొత్తం 70 పాములు కలిగిన బాక్

మహారాష్ట్రలోని పుణేలోని ఓ ఇంట్లో పాములను స్మగ్లింగ్ చేసేందుకు ఓ బాక్సులో ఉంచారు. పోలీసులకు అందిన సమాచారం ప్రకారం ఇంట్లో తనిఖీలు చేయగా ఈ స్మగ్లింగ్ రాకెట్ గుట్టు రట్టయింది. మొత్తం 70 పాములు కలిగిన బాక్స్‌ను పోలీసులు సీజ్ చేశారు. వాటిల్లో 41 రస్సెల్ వైపర్స్‌ను, 31 నాగుపాములు ఉన్నాయి. రంజిత్ ఖరగే ఇంట్లో వీటిని స్వాధీనం చేసుకున్నారు. ఆ పాములను పోలీసులు ఫారెస్ట్ అధికారులకు అప్పగించారు. 

భార్యాపిల్లలతో కలిసి నివసించే రంజిత్ రహస్యంగా పాములను స్మగ్లింగ్ చేస్తూ దొరికిపోయాడు. వన్యప్రాణి సంరక్షణ చట్టం కింద పోలీసులు కేసు నమోదు చేశారు. ఇక్కడ విశేషమేంటంటే, ఆ ఇంట్లో ఉంటున్న చిన్న పిల్లలకు కూడా ఇంట్లో పాములున్న సంగతి తెలుసు. పాములు పట్టుకునే వారి దగ్గర్నుంచి, అడవిలో సంచరించే పాములను పట్టుకుని వారు ఈ అక్రమ వ్యవహారాన్ని నడిపిస్తున్నారు. వీరి వద్ద నుంచి స్వాధీనం చేసుకున్న పాముల్ని అడవిలో సురక్షితంగా విడిచిపెట్టినట్లు అటవీ శాఖాధికారులు తెలిపారు.