బాలీవుడ్ సీనియర్ నటి షబానా అజ్మీ కారు ప్రమాదానికి గురైంది. కారును లారీ ఢీకొనడం వల్ల ప్రమాదం జరిగినట్లు పోలీసులు తెలిపారు.
ముంబయి- పుణే ఎక్స్ప్రెస్వేపై ఖలాపుర్ సమీపంలో ఈ రోడ్డు ప్రమాదం జరిగింది. ఈ ప్రమాదంలో షబానాకు తీవ్ర గాయాలయ్యాయి. నవీ ముంబయిలోని ఎమ్జీఎమ్ ఆసుపత్రికి ఆమెను తరలించారు.
ప్రమాదం జరిగిన సమయంలో కారులో ఆమె భర్త జావేద్ అక్తర్ కూడా ఉన్నారు. అయితే ఆయనకు ఎలాంటి గాయాలు కాలేదని సమాచారం. ఘటనకు సంబంధించిన మరింత సమాచారం తెలియాల్సి ఉన్నది.