కేరళ రాష్ట్ర ముఖ్యమంత్రి పినరయి విజయన్‌పై అనుచిత వ్యాఖ్యలు చేసిన వ్యక్తికి ఉద్యోగం ఊడింది. ఈ వ్యాఖ్యలను సీరియస్‌గా తీసుకున్న ముఖ్యమంత్రి కార్యాలయం అనుచిత వ్యాఖ్యలు చేసిన వ్యక్తిని ఉద్యోగం నుంచి తప్పించింది.
కేరళ రాష్ట్రంలో పెట్టుబడుల ఆకర్షణే లక్ష్యంగా ఇటీవల విదేశీ వాణిజ్య మంత్రిత్వ శాఖ, మానవవనరుల అభివృద్ధి శాఖ అధికారులతో సీఎం సమావేశమయ్యారు. ఈ సందర్భంగా యూఏఈ మంత్రులు, అధికారులతో కలిసి దిగిన ఫోటోను సీఎం విజయం తన ట్విట్టర్ ఖాతాలో షేర్ చేశారు.
ఇందులో ముఖ్యమంత్రి విజయన్ నల్లరంగు సూట్ ధరించారు. ఈ ఫోటోను ఏ.మణికుట్టన్ అనే సచివాలయ ఉద్యోగి తన వాట్సాప్ గ్రూపులో షేర్ చేసి "గూండాలు వేర్వేరు వేషధారణల్లో ఉన్నారు" అంటూ సీఎంను ఉద్దేశించి అనుచిత వ్యాఖ్యలు చేశారు. ఈ ఫోటో వైరల్ కావడంతో ముఖ్యమంత్రి కార్యాలయం స్పందించింది. ఆ వెంటనే అంతర్గత విచారణ చేపట్టిన సీఎంవో... మణికుట్టన్‌ను ఉద్యోగం నుంచి తొలగిస్తూ ప్రిన్సిపల్ సెక్రటరీ కేఆర్ జ్యోతిలాల్ సస్పెండ్ చేస్తూ ఉత్తర్వులు జారీచేశారు.