రాహుల్‌కు దక్కని జయలలిత దర్శన భాగ్యం... దేవుడిని ప్రార్థిస్తున్నానన్న రాహుల్

చెన్నై అపోలో ఆస్పత్రి వద్ద కాంగ్రెస్ ఉపాధ్యక్షుడు రాహుల్ గాంధీకి చేదు అనుభవమైంది. ఆస్పత్రిలో చికిత్స పొందుతున్న జయలలితను పరామర్శించేందుకు ఆయన ప్రత్యేకంగా ఢిల్లీ నుంచి చెన్నైకు వచ్చారు. ఆ తర్వాత ఆయన వి

చెన్నై అపోలో ఆస్పత్రి వద్ద కాంగ్రెస్ ఉపాధ్యక్షుడు రాహుల్ గాంధీకి చేదు అనుభవమైంది. ఆస్పత్రిలో చికిత్స పొందుతున్న జయలలితను పరామర్శించేందుకు ఆయన ప్రత్యేకంగా ఢిల్లీ నుంచి చెన్నైకు వచ్చారు. ఆ తర్వాత ఆయన విమానాశ్రయం నుంచి నేరుగా అపోలో ఆస్పత్రికి చేరుకున్నారు. 

అయితే, ఆస్పత్రి వద్ద ఆయనకు నిరాశే ఎదురైంది. అపోలో గ్రూప్ సంస్థల చైర్మన్ ప్రతాప్ రెడ్డి స్వయంగా రాహుల్‌కు స్వాగతం పలికి లోపలికి తీసుకెళ్లినా, ఆయన్ను జయలలిత వద్దకు తీసుకువెళ్లేందుకు అధికారులు అంగీకరించలేదు. ఆమెను చూసేందుకు వీల్లేదని స్పష్టం చేయడంతో, ఆమె ఆరోగ్యం, ఏమైందని మాత్రమే రాహుల్ అడిగి తెలుసుకుని బయటకు వచ్చారు. 

ఆ తర్వాత ఆయన మీడియాతో మాట్లాడుతూ... జయలలిత కోలుకుంటున్నారనీ, ఆమె త్వరగా కోలుకోవాలని దేవుడిని ప్రార్థిస్తున్నట్టు చెప్పి వెళ్లిపోయారు. కాగా, ఆమెకు సుదీర్ఘకాలం పాటు చికిత్స అవసరమని, అది ఎన్నాళ్లన్నది ఇప్పుడే చెప్పలేమని వైద్యులు రాహుల్‌కు చెప్పినట్టు సమాచారం.