కాంగ్రెస్ ప్రధాన కార్యదర్శి ప్రియాంక గాంధీ వాద్రా తన సోదరుడు రాహుల్ గాంధీతో కలిసి ముంబైలోని ధారవిలో జరిగిన భారత్ జోడో న్యాయ్ యాత్రలో పాల్గొన్నారు. బాబాసాహెబ్ అంబేద్కర్ స్మారకమైన దాదర్‌లోని చైత్యభూమి వద్ద యాత్ర ముగిసింది.
ఈ సందర్భంగా సభను ఉద్దేశించి ప్రియాంక మాట్లాడుతూ, "ఈ రోజుతో రాహుల్ గాంధీ చేపట్టిన 6,700 కి.మీ భారత్ జోడో న్యాయ్ యాత్ర ముగుస్తుంది.. ఈ దేశంలోని వాస్తవికతను మీకు తెలియజేసేందుకు ఆయన చేపట్టిన ఈ యాత్ర ఈరోజు చాలా ముఖ్యమైనది.
Rahul Gandhi
ప్రజల అవగాహనపై పదునైన దాడి జరుగుతోంది. దాని గురించి మీ అందరికీ తెలియజేయడానికి రాహుల్ గాంధీ 'భారత్ జోడో న్యాయ్ యాత్ర' ప్రారంభించాడు. జనవరి 14న అట్టుడుకుతున్న మణిపూర్ నుంచి ప్రారంభమైన యాత్ర 63వ రోజు పొరుగున ఉన్న థానే నుంచి ముంబైలోకి ప్రవేశించింది.