తనన ఐటమ్ అని పిలిచి లైంగికంగా వేధించాడంటూ కోర్టుకెక్కిన అమ్మాయికి న్యాయం జరిగింది. ఆమెను ఐటమ్ అని పిలిచిన యువకుడికి యేడాదిన్న కాలం జైలుశిక్ష విధిస్తూ ఫోక్సో కోర్టు తీర్పునిచ్చింది. అమ్మాయిలను అబ్బాయిలు ఇలా ఉద్దేశపూర్వకంగానే పిలుస్తుంటారని, అందువల్ల నిందితుడి విషయంలో కనికరం చూపాల్సిన పనిలేదంటూ అభిప్రాయపడిన కోర్టు జైలు శిక్ష విధించింది. మహారాష్ట్రలో ఈ తీర్పు వెలువడింది. ఈ వివరాలను పరిశీలిస్తే,
ముుంబైకు చెందిన 25 యేళ్ల యువకుడు తనను లైంగికంగా వేధించాడంటూ 16 యేళ్ల బాలిక 2015లో కేసు పెట్టింది. 14వ తేదీ జూలై 2015న తన స్కూలు నుంచి ఇంటికెళుతున్న సమయంలో యువకుడు తనను బైకుపై వెంబడించాడని, ఆ తర్వాత జట్టు పట్టుకుని లాగుతూ "ఏం ఐటమ్.. ఎక్కడికెళ్తున్నావ్" అంటూ వేధించాడని పేర్కొంది.
దీనిపై ముంబై ఫోక్సో కోర్టు విచారణ చేపట్టి... అమ్మాయిలను లైంగికంగా వేధించేందుకు అబ్బాయిలు ఉద్దేశపూర్వకంగానే అలా పిలుస్తారని పేర్కొంది. ఇలాంటి రోడ్‌సైడ్ రోమియోలను బుద్ధి చెప్పాల్సిందని వ్యాఖ్యానించింది. నిందితుడి విషయంలో కనికరం చూపాల్సిన ప్రసక్తే లేదని పేర్కొంటూ యేడాదిన్నర జైలుశిక్షి విధిస్తూ తీర్పునిచ్చింది.