బిజెపితో చేతులు కలిపి నాలుగురోజుల క్రితం ఏకంగా ఉపముఖ్యమంత్రిగా ప్రమాణ స్వీకారం చేశారు అజిత్ పవార్. ఇది కాస్త దేశ రాజకీయాల్లో తీవ్ర చర్చకు దారితీసిన విషయం తెలిసిందే. అయితే చివరకు బల నిరూపణ కష్టం కావడంతో వెనక్కి తగ్గిన అజిత్ పవార్ తన పదవికి రాజీనామా చేశారు. ఆయనే కాదు ముఖ్యమంత్రిగా ప్రమాణ స్వీకారం చేసిన ఫడ్నవీస్ కూడా రాజీనామా చేయాల్సిన పరిస్థితి ఏర్పడింది.
అయితే చివరకు శరద్ పవార్ బుజ్జగింపుతో వెనక్కి తగ్గిన అజిత్ పవార్ ఇప్పుడు సైలెంట్ గా ఉన్నారు. కానీ శరద్ పవార్ మాత్రం అజిత్‌ను క్షమించడంతో పాటు ఏకంగా డిప్యూటీ సిఎం ఇచ్చేందుకు సిద్థమయ్యారట. రేపు సాయంత్రం శివసేన నేత ఉద్ధవ్ థాక్రే ముఖ్యమంత్రిగా ప్రమాణ స్వీకారం చేయగానే ఉపముఖ్యమంత్రిగా అజిత్‌తో ప్రమాణం చేయించే అవకాశం ఉన్నట్లు ఎన్సీపీలోనే ప్రచారం జరుగుతోంది. ఇదే జరిగితే అజిత్‌కు అదృష్టం వరించినట్లేనంటున్నారు ఎన్సీపీ నేతలు.