బెంగళూరులో మరో కీచకుడు.. లైంగికదాడిని అడ్డుకుందనీ నాలుక కొరికి ఉడాయించాడు

బెంగళూరులో కొత్త సంవత్సర వేడుకల్లో యువతులపై అల్లరి మూకల వేధింపుల ఘటన మరువకముందే శుక్రవారం మరో దారుణం చోటుచేసుకుంది. కేజీహళ్లిలో విధులకు వెళ్తున్న యువతిని ఓ దుండగుడు అడ్డుకొని లైంగిక వేధింపులకు పాల్పడ్

బెంగళూరులో కొత్త సంవత్సర వేడుకల్లో యువతులపై అల్లరి మూకల వేధింపుల ఘటన మరువకముందే శుక్రవారం మరో దారుణం చోటుచేసుకుంది. కేజీహళ్లిలో విధులకు వెళ్తున్న యువతిని ఓ దుండగుడు అడ్డుకొని లైంగిక వేధింపులకు పాల్పడ్డాడు. ప్రతిఘటించిన యువతి నాలుక కొరికి అక్కడి నుంచి ఉడాయించాడు. ఉదయం 6.30 గంటల సమయంలో బస్‌స్టాప్‌కు వెళ్తుండగా దుండగుడు అడ్డుకోగా యువతి ప్రతిఘటించింది. ఇంతలో స్థానికులు రావడంతో దుండగుడు ఉడాయించాడు. దీనిపై స్థానిక పోలీసులు కేసు నమోదు చేసి నిందితుడి కోసం గాలిస్తున్నారు. 

అలాగే, దారుణాలకు అడ్డాగా మారిన ఉత్తరప్రదేశ్ రాష్ట్రంలో కూడా ఇలాంటి అమానవీయ సంఘటన ఒకటి జరిగింది. తాజాగా గ్యాంగ్ రేప్‌కు సహకరించలేదన్న కోపంతో ఓ బాలిక చెవులును దుండగులు కోసేశారు. అడ్డు వచ్చిన ఆమె తల్లిపైనా దాడి చేశారు. భాగ్‌పట్‌లో ఈ దారుణం చోటుచేసుకుంది. ఈ ఘటనపై బాధితురాలి తల్లి పోలీసులను ఆశ్రయించగా వారు ఆమెను అవమానించారు. దుండగులు కోసేసిన చెవులను చూపించినా వారు కేసు నమోదు చేసేందుకు వెనకాడారు. చివరికి మీడియా జోక్యం చేసుకోవడంతో పోలీసులు కేసు నమోదు చేశారు.