తన భార్య ప్రియుడి మొబైల్ విశ్లేషించాలన్న భర్త.. కుదరదన్న హైకోర్టు

తన భార్యకు మరో వ్యక్తితో వివాహేతర సంబంధం ఉందని అందువల్ల ఆమె ప్రియుడి మొబైల్ ఫోనును విశ్లేంచాలంటూ ఓ భర్త చేసిన అభ్యర్థనను కర్నాటక హైకోర్టు తోసిపుచ్చింది. అలా పరిశీలించడం వ్యక్తిగత గోప్యతా హక్కును ఉల్లఘించడమే అవుతుందని తేల్చి చెప్పింది. ఈ కేసుకు సంబంధించిన వివరాలను పరిశీలిస్తే, 

కర్నాటకు చెందిన ఓ మహిళ తన భర్తకు విడాకులు ఇప్పించాలని కోరుతూ గత 2018లో కోర్టును ఆశ్రయించింది. ఈ కేసు విచారణ సందర్భంగా తన భార్యకు మరో వ్యక్తితో అక్రమ సంబంధం ఉందని అతడి సెల్‌ఫోల్ సమాచారాన్ని పరిశీలిస్తే ఆ విషయం తెలుస్తుందని వాదించారు. దీంతో భార్య ప్రియుడిగా చెబుతున్న వ్యక్తి కోర్టుకెక్కాడు. 

తన ఫోన్ కాల్స్ వివరాలు కోరడాన్ని సవాలు చేశాడు. వాదనలు విన్న న్యాయస్థానం భార్యాభర్తల విడాకుల కేసులో మూడో వ్యక్తి గోప్యతకు భంగం కలిగించడాన్ని అనుమతించబోమని స్పష్టం చేసింది. ఇది ఆ వ్యక్తికి రాజ్యాంగం కల్పించిన గోప్యతా హక్కుకు భంగం కలిగించడమే అవుతుందని హైకోర్టు జడ్జి ఎం.నాగప్రసన్న తన తీర్పులో పేర్కొన్నారు.