కన్నడ సినీ నటి రన్యా రావును బంగారం స్మగ్లింగ్ కేసులో డైరెక్టరేట్ ఆఫ్ రెవెన్యూ ఇంటెలిజెన్స్ అరెస్టు చేసింది. బెంగళూరు అంతర్జాతీయ విమానాశ్రయంలో సోమవారం రాత్రి ఆమె వద్ద 14.8 కిలోల బంగారం దొరికిందని అధికారులు తెలిపారు. ఐఏఎస్ అధికారి కుమార్తె అని చెప్పుకుంటూ ఈ కన్నడ నటి రన్యా రావు దుబాయ్ నుండి 14 కిలోల బంగారంతో బెంగళూరు విమానాశ్రయంలో పట్టుబడింది.
దుబాయ్ నుండి ఎమిరేట్స్ విమానంలో రన్యా రావు వచ్చారు. ఇంకా ఆమె విదేశీ ప్రయాణాలపై పోలీసులు నిఘా ఉంచారు. ఈ క్రమంలో ఆమె భారీగా బంగారం స్మగ్లింగ్ చేస్తుందని తెలిసి.. ఆమెను అరెస్ట్ చేసి కోర్టు ముందు హాజరుపరిచారు. కోర్టు ఆమెకు 14 రోజుల జ్యుడీషియల్ కస్టడీ విధించింది.
ఈ గోల్డ్ స్మగ్లింగ్‌లో భాగంగా భారీ మొత్తంలో బంగారాన్ని ధరించి, మిగిలిన మొత్తాన్ని తన దుస్తులలో తెలివిగా దాచిపెట్టినట్లు సమాచారం. రావు 15 రోజుల్లో నాలుగు సార్లు దుబాయ్‌కు వెళ్లి రావడంతో అధికారులలో అనుమానం పెరిగింది. కస్టమ్స్ తనిఖీలను తప్పించుకోవడానికి ఆమె తన ప్రభావాన్ని ఉపయోగించాలని యోచిస్తున్నట్లు దర్యాప్తులో వెల్లడైంది.
gold
ఇకపోతే.. మాణిక్య సినిమాలో నటుడు సుదీప్‌తో కలిసి రన్యా రావు నటించారు. ఈ కేసులో ఏ ఒక్క నిందితుడు తప్పించుకోకుండా అన్ని కోణాల్లో దర్యాప్తు చేస్తున్నట్లు పోలీసులు తెలిపారు.