'పెద్దలకు మాత్రమే' : ప్రైవసీని కోరుకునే వారికి ప్రత్యేక హోటల్... 85 శాతం హౌస్‌ఫుల్

కొన్ని సినిమాలు 'పెద్దలకు మాత్రమే' అని టైటిల్ కింద రాసివుంటుంది. ఇలాంటి మూవీలకు ఏ సర్టిఫికేట్ ఇస్తుంటారు. థియేటర్లలోకి కూడా కేవలం పెద్దలకు మాత్రమే ప్రవేశం ఉంటుంది. ఇది ప్రతి ఒక్కరికీ తెలిసిన విషయం తెల్సిందే. హోటళ్లలో కూడా 'పెద్దలకు మాత్రమే' అనే హోటల్ ఒకటుందని మీలో ఎవరికైనా తెలుసా? ఈ విషయం చాలా మందికి తెలియదు. కానీ, అక్కడో అలాంటి హోటల్ ఉంది. హోటల్‌ నేమ్ బోర్డు కిందనే పెద్దలకు మాత్రమే అనే ట్యాగ్ వేలాడుతూ వుంటుంది. కేవలం ప్రైవసీని కోరుకునే పెద్దలకు మాత్రమే ఈ హోటల్. ఈ హోటల్ ఏకంగా 85 శాతం ఆక్యుపెన్షీతో నడుస్తోందంటే ఆశ్చర్యపడాల్సిందే. 

ఈ వివరాలను పరిశీలిస్తే, గోవా రాజధాని పనాజీలోని  విమానాశ్రయం నుంచి గంట సేపు ప్రయాణిస్తే బీచ్‌కు చేరుకోవచ్చు. అక్కడి నుంచి మరో 10 నిమిషాలు దూరంలో ఈ హోటల్ ఉంది. ఇందులో 28 పడక గదులు ఉన్నాయి. ప్రత్యేక భోజనాలు, స్పా చికిత్సలు, శృంగార బహుమతులు ఇలా ఒకటేంటి అన్ని రకాల షాపింగ్స్ ఇక్కడే చేసుకునేలా షాపులు ఉన్నాయి. 

వీటితోపాటు.. ఈ హోటల్‌లో బస చేసేందుకు వచ్చే అతిథులకు ఉచిత వైఫై ,కాంప్లిమెంటరీ బ్రేక్ ఫాస్ట్ వంటి అనేక సౌకర్యాలు ఉన్నాయి. ఇపుడు చాలా హోటళ్ళలో వైఫై, కాంప్లిమెంటరీ టిఫన్ అనేవి కామన్ అయిపోయాయి. అలాగే, ఈ హోటల్ 'పెద్దలకు మాత్రమే' అనేది కూడా అంతే కామన్‌గా మారిందంట. 

అందుకే ఏకాంతం కోరుకునే వారి కోసం ప్రత్యేక హోటల్‌ను సిద్ధం చేయాలన్న ఆలోచన నుంచి ఆ హోటల్ పుట్టిందంట. విదేశాల్లో ఈ కాన్సెప్ట్ చాలా వేగంగా వృద్ధి చెందుతున్నది. ఈ హోటల్ ఏకంగా 85 శాతం ఆక్యుపెన్సీతో నడుస్తున్నదంటే.. ఎంత మంది ప్రైవసీ కోరుకుంటున్నారో అర్థమవుతుంది. ఇంతకీ ఈ హోటల్ పేరు చెప్పలేదు కదా.. ది పార్క్ బగా రివర్ గోవా. రివర్ గోవా లేన్, మకీస్ శాటర్‌డే మార్కెట్ ఎదురుగా, బగా, గోవా 403 516 అనే చిరునామాలో వుంది.