నిత్యానంద నిజంగా చనిపోయారా? సోషల్ మీడియాలో వీడియో హల్చల్

వివాదాస్పద నిత్యానంద స్వామి రెండురోజుల క్రితం హఠన్మరణం చెందారంటూ ఆయన సోదరి కుమారుడు సుందరేశ్వరన్ అనే వ్యక్తి చెప్పినట్లు ఓ వీడియో సోషల్ మీడియాలో చక్కర్లు కొడుతోంది. ఆ వీడియోలో సుందరేశ్వరన్ మాట్లాడుతూ... నిత్యానంద తన జీవితాంతం హిందూ ధర్మం కోసం పాటుపడ్డారంటూ చెప్పారు. ఐతే నిజంగా నిత్యానంద మరణించాడా లేదా అన్నది ధృవీకరణ కాలేదు. ఆయన గురించి చెప్పేందుకు ప్రస్తుతం ఎవరూ ముందుకు రావడంలేదు. దీనితో ఈ వార్త నిజమేనా అనే అనుమానాలు వ్యక్తమవుతున్నాయి. మరోవైపు ఈరోజు ఏప్రిల్ 1. ఫూల్స్ డే సందర్భంగా ఫూల్ చేయడానికి ఇలా ఫేక్ న్యూస్ ప్రచారం చేస్తున్నారా అనే అనుమానాలు కూడా వున్నాయి.

మరోవైపు నిత్యానంద స్వామీ ఈ ప్రపంచంలోనే గేమ్ చేంజర్ అని నటి రంజిత అన్నారు. తమిళనాడుకు చెందిన నిత్యానంద బెంగళూరులో ఆశ్రమం నడుపుతున్న సమయంలో అతనిపై లైంగిక వేధింపుల ఫిర్యాదు నమోదైంది. కొన్నేళ్ల క్రితం భారత్‌ నుంచి పారిపోయిన నిత్యానంద తన శిష్యులతో కలిసి కైలాస అనే ఏకాంత ద్వీపంలో నివసిస్తున్నట్లు పేర్కొన్నాడు. అదేవిధంగా, నిత్యానంద నినార్క్ నగర పాలక సంస్థ నిత్యానంద కైలాసాన్ని సార్వభౌమ రాజ్యంగా గుర్తించింది. 

నిత్యానంద భౌతికంగా గాయపడినట్లు ఇటీవల వార్తలు వచ్చిన తర్వాత, ఆమె లింక్డ్‌ఇన్ పేజీలో రంజిత ఫోటోను నిత్యానంద మయి స్వామి అని చూపించారు. ఆ ఫోటో క్రింద కైలాస ప్రధాని అని పేర్కొన్నారు. దీనిపై నటి రంజిత మాట్లాడుతూ.. నిత్యానంద ఈ ప్రపంచంలోనే గేమ్ చేంజర్ అని అన్నారు. కైలాసం ఏర్పాటు చేసిన కార్యక్రమంలో పాల్గొన్న నటి రంజిత భక్తుల ప్రశ్నలకు సమాధానమిచ్చారు. ఆయన ప్రసంగానికి సంబంధించిన వీడియోలు వైరల్ అవుతున్నాయి.