బళ్లారి మైనింగ్ కేసులో మాజీ సీఎం యడ్యూరప్పకు క్లీన్ చిట్ : సీబీఐ కోర్టు

కర్ణాటక మాజీ ముఖ్యమంత్రి, బీజేపీ సీనియర్ నేత బీఎస్.యడ్యూరప్పకు క్లీన్ చిట్ లభించింది. ఆయనపై వచ్చిన అవినీతి ఆరోపణల కేసు నుంచి విముక్తి చేస్తూ సీబీఐ ప్రత్యేక కోర్టు బుధవారం తీర్పునిచ్చింది. ముఖ్యంగా.. బ

కర్ణాటక మాజీ ముఖ్యమంత్రి, బీజేపీ సీనియర్ నేత బీఎస్.యడ్యూరప్పకు క్లీన్ చిట్ లభించింది. ఆయనపై వచ్చిన అవినీతి ఆరోపణల కేసు నుంచి విముక్తి చేస్తూ సీబీఐ ప్రత్యేక కోర్టు బుధవారం తీర్పునిచ్చింది. ముఖ్యంగా.. బళ్లారి మైనింగ్ కేసులో యడ్డీని నిర్దోషిగా ప్రకటిస్తూ సీబీఐ కోర్టు తీర్పును వెలువరించింది. 

ఆయన కర్ణాటక రాష్ట్ర ముఖ్యమంత్రిగా ఉన్న సమయంలో నిబంధనలకు విరుద్ధంగా వ్యవహరించి జిందాల్ సంస్థకు లబ్ధి చేకూర్చారని, ఈ వ్యవహారంలో రూ.40 కోట్లు లంచం తీసుకున్నట్టు యడ్డీపై అప్పట్లో తీవ్ర ఆరోపణలు వెల్లువెత్తాయి. ఇప్పటికే ఈ కేసుకు సంబంధించి వాదనలు పూర్తి కాగా... యడ్డీతో పాటు మరో ముగ్గురిని సీబీఐ కోర్టు బుధవారం నిర్దోషులుగా ప్రకటించింది.