ఢిల్లీలో ఇక 21 ఏళ్ల వారూ మద్యం తీసుకోవచ్చు

అరవింద్‌ కేజ్రీవాల్‌ ప్రభుత్వం మద్యంపై కీలక నిర్ణయం తీసుకుంది. మద్యం సేవించేందుకు అవసరమైన చట్టబద్ధ వయస్సును 25 ఏళ్ల నుండి 21 ఏళ్లకు కుదించినట్లు ఢిల్లీ ఉప ముఖ్యమంత్రి మనీష్‌సిసోడియా వెల్లడించారు.

నూతన మద్యం పాలసీ ప్రకటన చేసిన ఆయన.. ఈ మార్పుల వల్ల వార్షిక ఎక్సైజ్‌ రెవెన్యూ 20 శాతం పెరుగుతుందని భావిస్తున్నామన్నారు. కొంత మంది మంత్రుల సిఫార్సు మేరకు ఈ నూతన మద్యం పాలసీకి క్యాబినేట్‌ ఆమోద ముద్ర వేసిందని అన్నారు.

అయితే ఢిల్లీలో మద్యం దుకాణాలను ఏర్పాటు చేయకూడదని, అదేవిదంగా కొత్త వాటిని అనుమతులివ్వకూడదని ప్రభుత్వం నిర్ణయం తీసుక్నుట్లు చెప్పారు. ప్రస్తుతం 60 శాతం లిక్కర్‌షాపులను ప్రభుత్వ ఆధ్వర్యంలో నడుస్తున్నాయని అన్నారు.

ఈ మార్పులతో నగరంలో లిక్కర్‌ మాఫియాకు కళ్లెం పడుతుందని చెప్పారు. రాష్ట్రంలో 850 మద్యం దుకాణాలు ప్రభుత్వ ఆధ్వర్యంలో నడుస్తున్నాయని, కానీ లిక్కర్‌ మాఫియా 2వేలకు పైగా అక్రమంగా దుకాణాలను నడుపుతుందని అన్నారు.

గత రెండేళ్లలో సుమారు 7 లక్షల అక్రమ లిక్కర్‌ బాటిళ్లను సీజ్‌ చేశామని, 1939 మంది నిందితులు అరెస్టు చేశామని తెలిపారు.