భార్యను అనుమానించాడు.. 24 సార్లు కత్తితో పొడిచి చంపాడు

ఢిల్లీలో మరో దారుణం జరిగింది. కట్టుకున్న భార్యనే అనుమానించిన ఓ భర్త.. ఆమెను ఏకంగా 24 సార్లు కత్తితో పొడిచి హత్య చేశాడు. ఆదివారం ఉదయం ఢిల్లోలోని వికాశ్ విహార్‌లో ఈ ఘోరం చోటుచేసుకుంది. తాజాగా వెలుగులోకి

ఢిల్లీలో మరో దారుణం జరిగింది. కట్టుకున్న భార్యనే అనుమానించిన ఓ భర్త.. ఆమెను ఏకంగా 24 సార్లు కత్తితో పొడిచి హత్య చేశాడు. ఆదివారం ఉదయం ఢిల్లోలోని వికాశ్ విహార్‌లో ఈ ఘోరం చోటుచేసుకుంది. తాజాగా వెలుగులోకి వచ్చిన ఈ వివరాలను పరిశీలిస్తే... 

ప్రేమ్ సింగ్ అనే ఇ-రిక్షా డ్రైవర్ తన భార్య సుమన్‌కు వివాహేతర సంబంధం ఉందని అనుమానించాడు. దీంతో ఆమెను చంపాలని ముందురోజే ప్లాన్ సిద్ధం చేసుకున్నాడు. ఇందులోభాగంగా 8, 12 ఏళ్లున్న ఇద్దరు పిల్లలను బంధువుల ఇంట్లో వదిలిపెట్టి వచ్చాడు. వచ్చీ రావడంతోనే కూరగాయలు కోసే కత్తితో భార్యపై విచక్షణరహితంగా దాడిచేసి కడుపులో ఇష్టానుసారం పొడిచాడు. 

అలా ఏకంగా మొత్తం 24 సార్లు ఆమెను కసిదీరా పొడిచాడు. దీంతో ఆమె రక్తపుమడుగులో కుప్పకూలింది. అనంతరం తన చేతి నరాలను కోసుకుని ఆత్మహత్యాయత్నానికి పాల్పడ్డాడు. పక్కింట్లోంచి అరుపులు వినిపించడంతో వెళ్లామని, గడియపెట్టి ఉండడంతో బద్దలు గొట్టి వెళ్లి చూసేసరికి జరగాల్సిన నష్టం జరిగిపోయిందని ఇరుగుపొరుగువారు పోలీసులకు తెలిపారు.