విడాకులు తీసుకున్న కుమార్తెను మేళతాళాలతో ఊరేగింపుగా ఇంటికి తీసుకొచ్చిన తండ్రి.. ఎక్కడ?

Webdunia
బుధవారం, 18 అక్టోబరు 2023 (10:43 IST)
విడాకులు తీసుకున్న కుమార్తెను మేళతాళాలతో ఊరేగింపుగా ఓ కన్నతండ్రి పుట్టింటికి తీసుకొచ్చాడు. ఈ ఆశ్చర్యకరమైన ఘటన జార్ఖండ్ రాష్ట్రంలో జరిగింది. తాజాగా వెలుగులోకి వచ్చిన ఈ వివరాలను పరిశీలిస్తే, 
 
రాంచీలో నివసించే ప్రేమ్ గుప్తా అనే వ్యక్తి గతేడాది ఏప్రిల్ నెలలో తన కుమార్తె సాక్షి గుప్తాకు సచిన్ కుమార్ అనే వ్యక్తితో ఘనంగా వివాహం జరిపించారు. అయితే ఆ తర్వాత కొన్ని రోజులకే సచిన్ నుంచి తన కుమార్తెకు వేధింపులు మొదలయ్యాయని ప్రేమ్ గుప్తా చెప్పారు. సచిన్‌కు అంతకుముందే వివాహమైనట్టు తెలిసిందని, అయినప్పటికీ అతడితో బంధం కొనసాగించాలనే తొలుత నిర్ణయించుకున్నానని సాక్షి తెలిపారు. 
 
కానీ, వేధింపులు ఎక్కువయ్యేసరికి సచిన్‌తో కలసి ఉండటం సాధ్యం కాదని అనుకున్నట్లు వివరించారు. అందుకే వైవాహిక జీవితానికి వీడ్కోలు పలకాలని తల్లిదండ్రులకు చెప్పినట్లు తెలిపారు. కాగా, ఈ నిర్ణయాన్ని సాక్షి తండ్రి, ఆమె కుటుంబ సభ్యులు స్వాగతించారు. 
 
ఆమెను ఇంటికి తీసుకొచ్చేందుకు ఘనంగా ఏర్పాట్లు చేశారు. టపాసులు కాలుస్తూ ఆమెకు పుట్టింటికి స్వాగతం పలికారు. ఆమెను మేళతాళాలు, బాణసంచా సందడి మధ్య పుట్టింటికి ఊరేగింపుగా తీసుకొచ్చారు. ఈ నెల 15న జరిగిన ఈ ఊరేగింపు వీడియోను ఆయన సామాజిక మాధ్యమాల్లో పోస్ట్ చేశారు. 
 
కుమార్తెలు ఎంతో విలువైనవారని, అత్తింట్లో వారికి ఇబ్బందులు ఎదురైతే గౌరవంతో పుట్టింటికి తీసుకురావాలని ప్రేమ్ గుప్తా పేర్కొన్నారు. ఈ నేపథ్యంలో సచిన్‌తో విడాకులు ఇప్పించాలని న్యాయస్థానంలో కేసు దాఖలు చేశారు. 

సంబంధిత వార్తలు

అన్నీ చూడండి

టాలీవుడ్ లేటెస్ట్

రజనీకాంత్ చిత్రంలో విజయ్ సేతుపతి!!

'మన శంకర వరప్రసాద్ గారు' అందర్నీ సర్‌ప్రైజ్ చేస్తారు : అనిల్ రావిపూడి

Sudigali Sudheer: సుడిగాలి సుధీర్ G.O.A.T సినిమాకి బ్యాగ్రౌండ్ అందిస్తున్న మణిశర్మ

Aadi Pinisetty: బాలయ్య ముక్కు సూటి మనిషి, అల్లు అర్జున్ తో హలో హాయ్ అంతే.. : ఆది పినిశెట్టి

Shobhan Babu: సోగ్గాడు స్వర్ణోత్సవ పోస్టర్ రిలీజ్ చేసిన డి.సురేష్ బాబు

అన్నీ చూడండి

ఆరోగ్యం ఇంకా...

winter health, జామ ఆకుల కషాయం చేసే మేలు తెలుసా?

ఈ అనారోగ్య సమస్యలున్నవారు ఉదయాన్నే గోరువెచ్చని నీటిని తాగరాదు

Ginger Pachhadi: శీతాకాలం.. అల్లం పచ్చడితో ఆరోగ్యానికి ఎంత మేలో తెలుసా?

జుట్టుకు మేలు చేసే ఉల్లిపాయ నూనె.. మసాజ్ చేస్తే అవన్నీ పరార్

శీతాకాలంలో లవంగం దగ్గర పెట్టుకోండి, బాగా పనికొస్తుంది

తర్వాతి కథనం
Show comments