ప్రేమకు వయస్సుతో సంబంధం లేదని ఈ అసాధారణ ప్రేమకథ చెప్తోంది. నాగరికత పెరుగుతున్న కొద్దీ ఏది చేసినా తప్పులేదనే భావన జనాల్లో వచ్చేస్తోంది. ప్రేమ ఎవరికైనా ఎలాగైనా పుడుతుందనే మాటలు వినబడుతున్నాయి.
తాజాగా మధ్యప్రదేశ్లోని మొరెనా జిల్లాలో చిగురించిన ప్రేమ గురించి ప్రస్తుతం చర్చ మొదలైంది. వివరాల్లోకి వెళితే... కైలారస్ లొకాలిటీకి చెందిన భోలూ అనే యువకుడు, రాంకలీ అనే మహిళ ప్రేమించుకుంటున్నారు కానీ, వివాహం చేసుకోవాలనుకోవడం లేదు.
ఈ క్రమంలోనే తమకు న్యాయం జరగాలని గ్వాలియర్ జిల్లా కోర్టును ఆశ్రయించారు. తమ లివ్- ఇన్ రిలేషన్షిప్ డాక్యుమెంట్ ను నోటరీ చేయాలని కోరుతున్నారు.
తమ రిలేషన్షిప్ గురించి భవిష్యత్లో ఎలాంటి గొడవలు రాకూడదని.. ముందస్తు జాగ్రత్తగా నోటరీ చేసుకునేందుకు వచ్చినట్లు ఆ జంట పేర్కొంది. ఇంతకీ ఈ జంట వయస్సు తెలిస్తే షాకవుతారు. ఎంతో తెలుసా.. ఆమెకు 67ఏళ్లు.. అతనికి 28ఏళ్లు. వీరిద్దరూ సహజీవనం కోసమే ప్రస్తుతం పోరాటం చేస్తున్నారు.