బిన్ లాడెన్‌కు పట్టిన గతే కిమ్ జాంగ్ ఉన్‌కు పట్టాలి... డోనాల్డ్ ట్రంప్ ఆదేశం!
ధిక్కారస్వరం వినిపిస్తున్న ఉత్తర కొరియా అధ్యక్షుడు కిమ్ జాంగ్ ఉన్‌ను హతం చేసేందుకు అమెరికా అధ్యక్షుడు డోనాల్డ్ ట్రంప్ కంకణం కట్టుకున్నారా? ఇందుకోసం సీల్స్ టీమ్ -6కు ఆదేశాలు జారీ చేశారా? ఈ ప్రశ్నలకు అవ
ధిక్కారస్వరం వినిపిస్తున్న ఉత్తర కొరియా అధ్యక్షుడు కిమ్ జాంగ్ ఉన్‌ను హతం చేసేందుకు అమెరికా అధ్యక్షుడు డోనాల్డ్ ట్రంప్ కంకణం కట్టుకున్నారా? ఇందుకోసం సీల్స్ టీమ్ -6కు ఆదేశాలు జారీ చేశారా? ఈ ప్రశ్నలకు అవుననే సమాధానాలే వస్తున్నాయి. ముఖ్యంగా అంతర్జాతీయ ఉగ్రవాద సంస్థ అల్‌ఖైదా అధ్యక్షుడు బిన్ లాడెన్‌కు పట్టిన గతే కిమ్ జాంగ్ ఉన్‌కు పట్టేలా సీల్స్ టీమ్‌ను ఆదేశించినట్టు సమాచారం.
ఇదే అంశంపై ఉత్తర కొరియా మీడియా ఓ ప్రత్యేక కథనాన్ని ప్రసారం చేసింది. కిమ్ జాంగ్ ఉన్‌ను లేపేయమంటూ గతంలో ఒసామా బిన్ లాడెన్‌ను మట్టుబెట్టిన 'సీల్ టీమ్-6'ను డోనాల్డ్ ట్రంప్ ఆదేశించడమే కాకుండా, ఆ జట్టు సభ్యులను రహస్యంగా దక్షిణ కొరియాకు పంపినట్టు సమాచారం.
ముఖ్యంగా లిబియాను ఆక్రమించుకున్నట్లుగా ఇప్పుడు తమ దేశాధ్యక్షుడిని మట్టుబెట్టడం ద్వారా ఉత్తర కొరియాను కూడా ఆక్రమించుకోవాలని ట్రంప్ చూస్తున్నారని, ఇందుకు నిదర్శనం ఆయన దక్షిణ కొరియాకు పంపిన సైన్యమేనంటూ ఆ మీడియా కథనాల్లో పేర్కొంది.
ఇప్పటికే సిరియాపై అమెరికా ఆగ్రహం వ్యక్తం చేసి... ప్రభుత్వ సైనిక స్థావరాలపై క్షిపణుల వర్షం కురిపిస్తోంది. ఈ నేపథ్యంలో ఒకటి కాదు, దక్షిణ కొరియాకు అమెరికా ఏకంగా 17 వేల సైనిక దళాలను పంపింది. అలాగే, స్పెషల్ టీంను కూడా దక్షిణ కొరియా సరిహద్దుల్లోకి చేర్చినట్టు ఉత్తరకొరియా మీడియా ఒక ప్రత్యేక కథనంలో పేర్కొంది.