రీల్స్ కోసం పిచ్చిపిచ్చి పనులు చేసే వారు పెరిగిపోతున్నారు. రీల్స్ చేసి సోషల్ మీడియాలో పాపులర్ అయ్యేందుకు ఏవేవో చేస్తున్నారు. తాజాగా దేశ ఆర్థిక రాజధాని ముంబైలో రీల్స్ కోసం తన పెంపుడు శునకాన్ని ఆటోపైకి ఎక్కించుకుని తిరిగాడు.. ఓ ఆటో డ్రైవర్.
ఈ ఘటనకు సంబంధించిన వీడియో నెట్టింట వైరల్ అవుతోంది. ఈ వీడియోలో పెంపుడు శునకం ఆటో టాప్‌పై నిల్చుని వుంది. ఆటో డ్రైవర్ దానిని అలానే నిల్చుండి బెట్టుకుని ఆటో నడుపుతున్నాడు.
ఈ వీడియో సోషల్ మీడియాలో వైరల్ అవుతోంది. అయితే ఈ వీడియోపై నెటిజన్లు ఫైర్ అవుతున్నారు. ఆ పెంపుడు కుక్క కిందపడితే పరిస్థితి ఏంటని ప్రశ్నిస్తున్నారు.
ముంబైకు చెందిన ఓ వ్యక్తి ఆటో టాప్‌పై కుక్కని నిల్చొపెట్టి వాహనాన్ని నడిపడంపై వారు ఫైర్ అవుతున్నారు. ముంబై పోలీసులను ట్యాగ్ చేస్తూ ఆ వీడియోను వైరల్ చేస్తున్నారు. అతడిని వెంటనే అరెస్ట్ చేయాలని నెటిజన్లు డిమాండ్ చేశారు.