Webdunia - Bharat's app for daily news and videos

Install App

హైదరాబాద్ పారిశ్రామికవేత్త హత్య కేసు - ముద్దాయిలకు జీవితఖైదు

Webdunia
బుధవారం, 12 అక్టోబరు 2022 (09:46 IST)
బెంగళూరులో పదేళ్ల క్రితం తీవ్ర సంచలనం సృష్టించిన హైదరాబాద్‌ పారిశ్రామికవేత్త, మాజీ ముఖ్యమంత్రి దివంగత కె.రోశయ్య బంధువు మనోజ్‌కుమార్‌ గ్రంధి (44) హత్యకేసులో ముద్దాయిలుగా తేలిన ముగ్గురు నిందితులకు కోర్టు యావజ్జీవ కారాగార శిక్ష విధించింది. ఈ మేరకు నగర 52వ అదనపు సివిల్‌, సెషన్స్‌ న్యాయస్థానం న్యాయమూర్తి బీజీ ప్రమోద్‌ తీర్పునిచ్చారు. 
 
ఈ హత్య కేసు వివరాలను పరిశీలిస్తే, గత 2012 ఫిబ్రవరి 6న ఇండిగో విమానంలో హైదరాబాద్‌ నుంచి మనోజ్‌కుమార్‌ గ్రంధి బెంగళూరు చేరుకున్నారు. ఓ కారును అద్దెకు తీసుకున్నారు. డ్రైవర్‌ రవికుమార్‌ ఆ కారు నడిపాడు. ఆ సమయంలో మనోజ్‌ వెంట తెచ్చిన సంచులలో కోట్ల రూపాయల విలువచేసే బంగారు నగలు ఉన్నట్లు డ్రైవర్ గుర్తించాడు. 
 
రవికుమార్‌కు ఆ నగలపై ఆశ పుట్టుకొచ్చి కృష్ణగౌడ, శివలింగయ్య అనే ఇద్దరు మిత్రులకు సమాచారం చేరవేశాడు. బళ్లారి రోడ్డులోని విండ్సర్‌ మ్యానర్‌ వంతెన వద్ద మనోజ్‌ కుమార్‌కు కత్తులు చూపి బెదిరించి, తాడుతో గొంతుకు బిగించి హత్యచేశారు. 
 
ఆ మృతదేహాన్ని మంగళూరు మార్గంలోని చార్మాడి కొండల్లో పడేశారు. మనోజ్‌ పుస్తకాలు, ఇతర వస్తువులను కాల్చేశారు. కేసు దర్యాప్తు చేపట్టిన శేషాద్రిపురం పోలీసులు నిందితులను అరెస్టుచేసి రూ.2 కోట్ల విలువ చేసే బంగారు నగలు స్వాధీనం చేసుకున్నారు. ఈ కేసు అప్పట్లో ఉభయ రాష్ట్రాల్లో సంచలనం సృష్టించిన విషయం తెల్సిందే. ఈ కేసులో తుదితీర్పు తాజాగా వెలువడింది. 

సంబంధిత వార్తలు

జీ5లో SIT చిత్రం టాప్ 5లో ట్రెండ్ అవడం ఆనందంగా ఉంది : డైరెక్టర్ విజయ భాస్కర్ రెడ్డి

రకుల్ ప్రీత్ సింగ్, సిద్దార్థ్ పై భారతీయుడు -2 లో 2వ సింగిల్

నాకు తండేల్ లాంటి సినిమా అవసరం : నాగ చైతన్య

స్వర్గీయ ఎన్టీఆర్ కు కొత్త ప్రభుత్వం భారతరత్న ప్రకటించాలి : టి. డి. జనార్థన్

ఎప్పటికీ మన హృదయాల్లో చిరస్థాయిగా నిలిచిపోతారు :నందమూరి మోహన్ కృష్ణ

నిడదవోలులో మానసిక దివ్యాంగులకు అండగా నాట్స్

వేసవి వడగాడ్పుల సమయంలో మధుమేహాన్ని నిర్వహించడానికి అవసరమైన చిట్కాలు

ప్రతి ఎనిమిది మంది మహిళల్లో ఒకరికి థైరాయిడ్.. వామ్మో జాగ్రత్త

హైబీపి వుందా? ఐతే ఇవి తినకూడదు

కొలెస్ట్రాల్ అధికంగా వున్నవారు తినకూడని పదార్థాలు

తర్వాతి కథనం
Show comments