తమిళనాడు రాజధాని చెన్నై సమీపంలోని తిరువొత్తియూర్‌లో కూతురిని బెదిరించి లైంగికంగా వేధించిన తండ్రిని పోలీసులు అరెస్ట్ చేశారు. తిరువొత్తియూర్‌లోని ఓ ప్రభుత్వ పాఠశాలలో 9వ తరగతి చదువుతున్న బాలికకు, అదే పాఠశాలలో చదువుతున్న 10వ తరగతి విద్యార్థినితో పరిచయం ఏర్పడింది.
ఈ విషయం తెలుసుకున్న బాలిక తండ్రి ఆమెను కూతురిగా చూడకుండా బెదిరించి పలుమార్లు లైంగికదాడికి పాల్పడ్డాడు. ఈ క్రమంలో బాలిక పొట్ట పెరగడం చూసి తల్లి ఆమెను ఆస్పత్రికి తీసుకెళ్లింది. అప్పుడు ఆమెను పరీక్షించిన వైద్యులు బాలిక 8 నెలల గర్భిణి అని తెలిపారు.
బాలికను గట్టిగా ప్రశ్నించగా తన తండ్రి తనను లైంగికంగా వేధించాడనే చేదు నిజాన్ని పోలీసులకు తెలిపింది. దీంతో కేసు నమోదుచేసుకున్న పోలీసులు కామాంధుడైన తండ్రిని అరెస్ట్ చేసి కోర్టులో హాజరుపరిచి జైలుకు తరలించారు.