పెద్ద నోట్ల రద్దుపై మోడీ మంత్రివర్గంలో భిన్నాభిప్రాయాలు.. అటొచ్చి.. ఇటెళ్లిన అరుణ్ జైట్లీ

దేశంలో పెద్ద నోట్ల రద్దుపై నిరసనలు వ్యక్తమవుతున్నాయి. విపక్షాలతో పాటు.. ఆర్థిక రంగ నిపుణులు సైతం పెద్ద నోట్ల రద్దును తీవ్రంగా వ్యతిరేకిస్తున్నారు. దీంతో పెద్ద నోట్ల రద్దుపై తీవ్ర స్థాయిలో చర్చ జరుగుతో

దేశంలో పెద్ద నోట్ల రద్దుపై నిరసనలు వ్యక్తమవుతున్నాయి. విపక్షాలతో పాటు.. ఆర్థిక రంగ నిపుణులు సైతం పెద్ద నోట్ల రద్దును తీవ్రంగా వ్యతిరేకిస్తున్నారు. దీంతో పెద్ద నోట్ల రద్దుపై తీవ్ర స్థాయిలో చర్చ జరుగుతోంది. మరోవైపు.. పార్లమెంట్ ఉభయసభలు ఇదే అంశంపై దద్ధరిల్లి పోతున్నాయి. 

ఈ నేపథ్యంలో గురువారం రాత్రి కేంద్ర మంత్రివర్గం అత్యవసరంగా సమావేశమైంది. నల్లదొరలకు మరో వెసులుబాటు కల్పించడం వంటి ప్రతిపాదనలపై కేబినెట్‌లో భిన్నాభిప్రాయాలు వెల్లడైనట్లు తెలిసింది. సమావేశం రాత్రి 8 గంటలకు జరుగుతుందని అధికారిక సమాచారం వెలువడింది. అయితే, ప్రధానమంత్రి ప్రధాని నరేంద్ర మోడీ 8.15 గంటలకు ఈ భేటీకి హాజరయ్యారు. 

ప్రధాని వచ్చిన ఐదు నిమిషాలకే కేంద్ర ఆర్థిక మంత్రి అరుణ్ జైట్లీ అనూహ్యంగా కేబినెట్ సమావేశ మందిరం నుంచి నిష్క్రమించారు. ఆ తర్వాత మంత్రివర్గ సమావేశం రాత్రి 8.45 గంటలకు సమావేశం ముగిసింది. ఈ కీలక సమావేశం దేశ ఆర్థిక మంత్రి లేకుండా జరగడం గమనార్హం.