పోలీసుల అదుపులో అమృతపాల్ పాల్ సింగ్ సతీమణి

సిక్కు వేర్పాటువాదనేత అమృత్‌పాల్ సింగి భార్య కిరణ్‌దీప్ కౌర్‌ దేశం వీడి పారిపోయేందుకు ప్రయత్నించగా, ఆమెను పోలీసులు గుర్తించి విమానాశ్రయంలో అరెస్టు చేశారు. ఖలిస్థాన్ వేర్పాటువాద సంస్థ నేతగా ఉన్న అమృత్‌పాల్ సింగ్‌తోపాటు ఆయన అనుచరులపై పలు హత్యాయత్న కేసులు ఉన్నాయి. అలాగే, పోలీసులపై దాడి, ప్రభుత్వ ఉద్యోగులపై దాడి చేయడం, ప్రజల ఐక్యతను విచ్ఛిన్నం చేసేందుకు ప్రయత్నించడం ఇలా అనేక రకాలైన కేసులు కూడా ఉన్నాయి. ఈ నేపథ్యంలో ఆయన కోసం పోలీసులు ముమ్మరంగా గాలిస్తున్నారు. 

ఈ నేపథ్యంలో ఆయన సతీమణి అమృత్‌పాల్ భార్య భార్య కిరణ్‌దీప్ కౌర్ లండన్ వెళ్లేందుకు ప్రయత్నించినప్పుడు, అమృతసర్ విమానాశ్రయంలో మైగ్రేష్ విభాగం అధికారులు అదుపులోకి తీసుకున్నారు. ఆమె వద్ద అమృతపాల్ సింగ్ గురించి విచారణ జరుపుతున్నారు. 

ఇంగ్లండ్‌కు చెందిన కిరణ్‌దీప్ కౌర్... గత ఫిబ్రవరి 10వ తేదీన అమృత్‌పాల్ సింగ్ వివాహం చేసుకున్నారు. అమృతసర్‌లోని అమృతపాల్ పూర్వీక గ్రామంలో ఈ వివాహం సాధారణ పద్ధతిలో జరిగింది. ఈ వివాహం తర్వాత తన భార్య తనతో పంజాబ్‌లోనే ఉంటారని అమృతపాల్ సింగ్ ప్రకటించారు. కానీ, ఆమె దేశం వదిలి పారిపోయేందుకు ప్రయత్నించి పోలీసులకు చిక్కారు.