మాస్క్ పెట్టుకోమంటే కానిస్టేబుల్ చెంప పగులకొట్టిన యువకుడు!

Police

కరోనా వ్యాప్తి మొదలైనప్పటి నుంచి ముఖానికి మాస్క్‌ పెట్టుకోవడం తప్పనిసరి అయిపోయింది. ప్రస్తుతం దేశంలో సెకండ్‌ వేవ్‌ విజృంభిస్తున్న నేపథ్యంలో అసలు మాస్క్‌ లేకుండా ఇంటి నుంచి బయటకు రావడం లేదు. తాజాగా ఓ యువకుడు మాస్క్‌ పెట్టుకోలేదని ఆడిగినందుకు కానిస్టేబుల్‌ చెంప చెళ్లుమనిపించాడు. ఈ ఘటన ఉత్తరప్రదేశ్‌లో చోటుచేసుకుంది. 

పోలీసులు తమ ప్రత్యేక వాహనాల్లో రౌండ్స్ కొడుతూ ఎక్కడైనా ఎవరైనా మాస్క్ పెట్టుకోకపోతే.. రఫ్పాడిస్తున్నారు. ఈ క్రమంలో ఖుషీ నగర్‌లో ఓ యవకుడు మాస్క్ లేకుండా దర్జాగా వెళ్తుంటే.. కానిస్టేబుల్ గమనించాడు. వెంటనే అతన్ని ఆపి జీపులో ఉన్న ఇన్‌స్పెక్టర్ దగ్గరకు పంపాడు. ఇన్‌స్పెక్టర్ ఆ కుర్రాడి కాలర్ పట్టుకొని... "మాస్క్ పెట్టుకోమని చెబితే ఎందుకంత నిర్లక్ష్యం ఏంటి'' అంటూ ఫైర్ అయ్యి చెయ్యి చేసుకున్నాడు. 

దీంతో ఆ యువకుడు పెట్టుకుంటాను సార్‌ అని అమాయకుడిలా నటిస్తుంటే.. పోనీలే అని అతనికి ఫైన్ వెయ్యకుండా వదిలాడు ఇన్‌స్పెక్టర్. అంతే ఆ క్షణంలో ఆ కుర్రాడు ఇన్‌స్పెక్టర్ చెంప చెళ్లుమనిపించాడు. షాకైన ఇన్‌స్పెక్టర్.. రేయ్ అనేసరికి. అక్కడి నుంచి పరుగందుకున్నాడు. అతన్ని పట్టుకుందామని పరుగెత్తిన కానిస్టేబుల్‌కి అతన్ని పట్టుకోవడం కుదరలేదు. దీనికి సంబంధించిన వీడియో ప్రస్తుతం సోషల్‌ మీడియాలో వైరలవుతోంది.