చిన్నారులు మంచి ప్రవర్తన కలిగి ఉండాలని ఏ తల్లిదండ్రులైన కోరుకుంటారు. ఈ క్రమంలో చిన్నారులపై ఎక్కువ భారాన్ని మోపి వారిపై ఒత్తిడిని పెంచుతారు. మీరూ అలానే ప్రవర్తిస్తున్నారా.. అయితే ఈ కథనం మీ కోసమే..
చాలామంది తల్లిదండ్రులు తమ పిల్లలను మిగతా పిల్లలతో పోలుస్తూ ఉంటారు. ఈ కారణంగానే వారు ఒత్తిడికి గురవుతున్నారు. ఇది ఏమాత్రం మంచి పద్ధతి కాదంటున్నారు. వారు బాగా చదివేలా, ఆడేలా ప్రోత్సహించాలి. అలానే ఫలితాలపై దృష్టి పెట్టకుండా చేసే పనిలో వారు ఆనందం పొందేలా చూడాలి.
పిల్లలు బాధపడుతున్నా, మీ దగ్గర కొన్ని విషయాలు దాస్తున్నా, మీతో వారి విషయాలు చెప్పకపోయినా.. వీటన్నింటికి ఒకే కారణం. ఈ విషయాలన్నీ మీకు చెబితే మీరు తిడతారనీ, కోప్పడతారనీ మీతో చెప్పరు. ఆ సమయంలో మీరు కట్టుబాట్లను కాస్త సడలించి వారికి కూసింత స్వేచ్ఛనిస్తే వారూ హాయిగా వూపిరి పీల్చుకుంటారు.
అతిగా దూషించే ప్రయత్నం తప్పే. వారు చేసిన మంచి పనులను మాత్రం తప్పకుండా మెచ్చుకోవాలి. అప్పుడే వారు ఎంతో సంతోషిస్తారు. ఇది వారిలో ఆశావహదృక్పథాన్ని పెంచుతుంది. తప్పు చేసినప్పుడు కూడా వారిని సరిదిద్దే ప్రయత్నం చేయాలి. అంతే తప్ప అదేనపనిగా వారిని దూషించకూడదు.